شيرين عن حسام حبيب: خرجت من علاقتنا بالوكسة.. ومهري لازم يبقى 10 ملايين دولار

روت المطربة شيرين عبد الوهاب، كواليس علاقاتها بطليقها المطرب حسام حبيب خلال فترة الزواج.
وقالت خلال مداخلة هاتفية مع برنامج "كلمة أخيرة" الذي تُقدمه الإعلامية لميس الحديدي، عبر شاشة "on"، مساء الثلاثاء: "خرجت من العلاقة بالوكسة والهم والحسرة والندم وكل حاجة وحشة.. حسام اتعمله محضر بعدم التعرض ليا ولبناتي، ورغم كده كلم المحاسب وهدده بشكل مباشر علشان أسيبله العربية اللي سرقها وأنا في الساحل ".
وأضافت: "(حسام) ميقدرش يقرب مني لإنه إنسان خطر وأنا محافظة على نفسي.. أنا زي الفل لكني لازم أروح أتعالج منه وآثاره.. من آثار ناس مكنوش مقدرين قيمتي.. أنا لازم مهري يبقى 10 ملايين دولار".
وتابعت: "الحب ساعات بيبقى سام.. وعلاقتنا كانت سامة، أنا ست بخلف .. 4 سنين معاه ربنا ما أرادش الخلفة منه علشان ربنا حاميني والناس بتدعيلي وشايفني بضيع.. أنا صعبت على الناس كلها".
وأكملت: "أنا خرجت خروجة في الساحل تامر حبيب شافني وفضل يعيط نصف ساعة.. الكل كان بيقولي إزاي إنتي غالية كده وإزاي عمل فيكي كده.. الحمد لله أنا كويسة لكن متوصلش إني أبقى موجودة وسط أهلي وناس وأتسرق.. العربية باسمي وهو اللي ملتزمش بالتوكيل، هو طلب العربية وقلت ياخدها لكن لما يتقالي هيتعملي محضر سرقة لو مسبتش العربية.. هي وصلت لكده .. أنا اتهانت أوي وعاوزة حقي وهاجيبه".