قال الرئيس عبدالفتاح السيسي، إن هناك مئات الآلاف من السيدات التي تحتاج إلى المساعدة، معقبًا: «هناك عشرات ويمكن مئات الآلاف إحنا مش شايفينهم ويمكن صوتهم مبيوصلناش». وأضاف السيسي، في مداخلة هاتفية لبرنامج «من مصر»، الذي يعرض عبر فضائية «cbc»: «ربنا اللي يعلم إني أنا شايفهم وحاسس بيهم وبجري على أد ما ربنا يقدرني». وذكر أن «جهد الدولة أقصى ما يمكن عمله، لكن أقصى ما يمكن عمله غير كاف»، قائلا: «عاوزين نكون أمناء مع نفسنا وقضيتنا، مواردنا ودخلنا مش على قد حجمنا خالص، حتى مرتبات الناس ودخلهم لا تتناسب مع حياة كريمة للأسر والبيوت». وتابع: «الدنيا ماشية، لكن إحنا بنبذل أقصى جهد وربنا وحده اللي يعلم عشان نحاول نحسن من أوضاعنا ويبقى فيه شغل في البلد، لكن طول ما عدد سكاننا بيزيد بالطريقة دي فالمشكلة هتبقى دايما صعبة وإيجاد حل لها عاوز توفيق كبير من ربنا».