سمر حمزة: «نشحت السفر للمشاركة في البطولات.. نقفل الاتحاد بقي أحسن»

انتقدت سمر حمزة، لاعبة المصارعة المصرية، اتحاد المصارعة والإجراءات الروتينية لإنهاء أوراق السفر الخاص بها، للمشاركة في بطولة «الرانك يشار دوجو»، والمنتظر إقامتها في تركيا خلال الفترة من 24 إلى 28 فبراير الجاري.
وكتبت سمر حمزة، عبر حسابها الشخصي على موقع التواصل الاجتماعي «فيسبوك»: «طيب تأشيرات علي حسابنا ودفعنا ورق بنخلصه وبنخلصه ومن لاعب ومدرب لإدارين، مطلوب مننا إيه مش فاهمة».
وأضافت: «سفرية بقالنا شهر بتحايل تخلص وحتى الآن مفيش حاجة اتعملت والسفر المفروض يوم الأربعاء ولما نكتب كلمتين علي السوشيال مديا الناس تهاجمنا».
وتابعت: «يا جماعة نحن صفر رياضة، لما لاعب يكون بيجري علي ورق وتأشيرات وتمرين ويُقال في الآخر "معلش"، هو لما بتخسر بيتقال "معلش" لا نحن "بيتعمل معانا الجلاشة". يحطوا اللاعب والمدرب تحت ضغط نفسي مش طبيعي ولما تخسر يقولك أصلك كنت تايهة ومش مركزة».
وأردفت: «مطلوب منك ف الآخر نتيجة، وكأننا نشحت كل سفرية بمحايلة وقرف احنا نقفل الاتحاد بقي أحسن عشان مفيش فلوس ودي أول سفرية ف الموسم ونبطل رياضة.. لنا الله.. أو نجيب مدالية بالصدفة إن شاء الله ».
وأتمت: «من باب العلم دي بطولة تصنيف عالمي».
وتوجت سمر، بالميدالية البرونزية في منافسات بطولة العالم التي أقيمت مؤخرا بالنرويج بعد الفوز على منافستها لاعبة الهند، في مباراة البرونزية، لتحقق الميدالية الأولى لمصر منذ آخر ميدالية تحققت عن طريق محمد عبد الفتاح بوجي عام 2006 ، وهي ذهبية بطولة العالم، أي أنها جاءت بعد غياب 15 عاما عن التتويج ببطولات العالم.