ميار شريف: ما حققته مجرد بداية.. واستقبالي في مصر لم يكن عاديا

أعربت ميار شريف، بطلة التنس المصرية، عن سعادتها على الاستقبال والدعم الذي وجدته في مصر، وشددت على ضرورة امتلاك «عقلية الفوز» دائمًا في الحياة.
ونشرت ميار على صفحتها الشخصية عبر موقع التواصل الاجتماعي «فيس بوك» قائلة:" تعبت كتير في مشواري القصير ولسة اللي جاي أكتر، لعبت في الدور الرئيسي في رولان جاروس لأول مرة في تاريخ التنس المصري".
وأضافت:" قررت أنزل مصر أحتفل مع كل المصريين بعد المشاركة اللي بعتبرها مجرد بداية، استقبال غير عادي، فرحة من القلب، ناس طيبين، فريق عمل فوق العادة، تغطية أعلامية راقية، دعم من الراعي فوق المتوقع، استقبال رسمي حكومي، فرص كبيرة من مجتمع الأعمال، إجازة سريعة في أحلي الاماكن في مصر، الناس فجأة بقت بتتصور معايا وانا ماشية في كل حتة".
وأشارت:" نصيحة واحدة؛ مهم جدًا إن الواحد يصدق في نفسة ويكون عندة "عقلية الفوز"، حفكر نفسي دايمًا بحاجة واحدة؛ دي مجرد البداية".
وأكدت:" أعاهد الناس بحاجة واحدة؛ حعمل كل اللي اقدر علية إني اتصرف صح، بكل الاحترام لنفسي وللجميع، عشان أكون قدوة للاجيال، وأكون قد اسم بلدي اللي اتكتبلي بكل الفخر أني اشيله في كل مكان".
وواصلت:" بحمد ربنا علي كل حاجة كويسة حصلتلي الفترة الأخيرة، أحلي البدايات، بحب بلدي، أهلي وفريق عملي، وبشكر كل واحد وقف جنبي من كل قلبي".
وأتمت:" مسافرة معسكري التدريبي في أسبانيا، وحشوفكوا الشهر الجاي علي خير، تحيا مصر وأهلها الطيبين".