تامر حسني يوجه رسالة لأحد معجبيه انفصل عن حبيبته

وجه الفنان تامر حسني رسالة لأحد معجبيه يدعى محمود، التقى به في أحد الفنادق قبل غنائه بفرح، وعبر له محمود عن حزنه بسبب انفصاله عن حبيبته الذي تحول إلى سعادة بعد رؤيته ل«حسني»، وطلب منه أن يلتقط معه صورة وينشرها تامر عبر «فيسبوك».
ولبى تامر حسني طلب الشاب بنشر الصورة، وكتب عليها رسالة له قائلا: «يا محمود يا جميل بما إني معرفش إيه الأسباب اللي بعدتكوا عن بعض، وبما إني مش ناسي الحزن اللي كان في عنيك هكلمك هنا»، وتابع: «أكيد الدنيا مش هتقف بيك.. أهم حاجة تفضل تشتغل زي مانت كدا راجل وسيد الرجالة، وربنا إن شاء الله يصلحلك الحال، وممكن ترجعوا، أو هيكرمك بإنسانة مناسبة ليك أكثر، وخلي الخير بينكم حتى في الانفصال.. جايز قربكم مش خير لبعض ربنا يكتبلك الصالح و يكتبلها الصالح».
وأضاف تامر: «أهم حاجة هوصيك بيها اشتغل واكبر وانجح وطور من نفسك.. مين عارف جايز بعد سنين ربنا يجمعني بيك تاني واشوفك صاحب الفندق»، متابعا: «اوعى تضحك وتقول مستحيل.. شغلانتك وأنا صغير اشتغلتها، بس طبعا مش في فندق شيك زي دا، كانت في مطعم أقل من بسيط وعشان راجل مايئستش وفضلت ورا حلمي لحد ماوصلتله».
واختتم تامر رسالته قائلا: «يارب توصل لحلمك أنت وكل الناس، وآدي صورتك يا عم منوره عندي أهي.. متأكد إن كلامي إشاره ليك مهمة خليك شاطر وإفهم الإشارة».
يذكر أن الفنان تامر حسني ينتظر حاليا عرض فيلم «الفلوس»، وهو من تأليف محمد عبد المعطي، وﺇﺧﺮاﺝ سعيد الماروق، ويشارك بالفيلم كلا من زينة، وأحمد فتحي، ونانسي صلاح، ومحمد سلام، و الراقصة جوهرة، وخالد الصاوي، وعائشة بن أحمد، وكميل سلامة.