عمرو أديب لجماهير الأهلي: «هو أنا لما أقول اتغلبتم 5 أبقى صهيوني»!

علق الإعلامي عمرو أديب، على هزيمة النادي الأهلي بخماسية أمام فريق صن داونز الجنوب إفريقي، في ذهاب الدور الثمانية بدور الأبطال، مستنكرًا ربط هزيمة الأهلي بمصر.
وأضاف خلال تقديمه برنامج «الحكاية»، المذاع عبر فضائية «إم بي سي مصر»، مساء أمس السبت: «عايز أسأل سؤال مهم، إيه حكاية علاقة مصر بالأهلي دي؟، مصر أكبر من كده، يا جماعة ده نادي كورة، يتغلب 5 و6 وعادي جدًا».
وتابع حديثه: «ليه مكبرين الحكاية كده، فيه إيه يا جماعة ماتنزلوا لتحت شوية، ليه الاعتزاز ده بالنادي؟ بشويش شوية دي كورة، هو جرى إيه؟ هو أنا يوم ما أقول أنتم اتغلبتم 5-0 أبقى مش مصري وأبقى صهيوني؟ انزلوا تحت، ما تتغلبوا زي أي نادي، ما إحنا بنتغلب ومبنفتحش بوقنا، وبناخد في صدرنا ونسكت».
ومن الجدير بالذكر أن النادي الأهلي خسر، أمس السبت، أمام مضيفه صن داونز الجنوب إفريقي 5-0 في ذهاب دور الثمانية بدوري الأبطال الإفريقي.