عمرو أديب: إيه المشكلة إن الأهلي يخسر 5؟ في الزمالك بناخد كل حاجة بصدر مفتوح

علق الإعلامي عمرو أديب، على هزيمة النادي الأهلي بخماسية ثقيلة أمام فريق صن داونز الجنوب إفريقي في ذهاب الدور الثمانية بدور الأبطال، قائلًا: «الأهلي اتهزم 5-0 إيه المشكلة إن الأهلي يتهزم 5، دي البرازيل اتغلبت 7 على أرضها».
وأضاف خلال تقديمه برنامج «الحكاية»، المذاع عبر فضائية «إم بي سي مصر»، مساء اليوم السبت، أن بعض جمهور النادي الأهلي رفضوا التعليقات الساخرة من الهزيمة بقوله: «الأهلاوية يرفضوا إننا نكلمهم، مع إن الرموز الأهلاوية لما اتغلبنا من نفس الفرقة دي، قالوا لنا تعالوا اسألونا ماتشات إفريقيا تتلعب إزاي».
وتابع:« طيب لما اتغلبتم 5، مفيش دعابة؟ إحنا يوم ما الزمالك بيتغلب بناخد كل حاجة بصدر مفتوح، ويوم ما نيجي نداعبك نلاقي كله قافل التويتر بتاعه».
وخسر النادي الأهلي، اليوم السبت، أمام مضيفه صن داونز الجنوب إفريقي 5-0 في ذهاب دور الثمانية بدوري الأبطال الإفريقي.