كامل الوزير: المتابعة أساس النجاح.. و«لو قعدت في المكتب مش هيتنفذ حاجة»

علق الفريق كامل الوزير، وزير النقل، على حرصه على تفقد سير العمل بمحطة مصر، قائلًا إن متابعة الأعمال على أرض الواقع هي أساس النجاح.
وأضاف خلال تصريحات لفضائية «إكسترا نيوز»، أذيعت صباح اليوم الأحد: «أنا متعود طول عمري وعارف إن المتابعة أساس النجاح، متقعدش في المكتب وتدي أوامر وتعليمات وتوجيهات ومتتابعش تنفيذها، وإلا مش هيتنفذ حاجة».
وأوضح أنه لا بد من الوصول بهذه التعليمات والأوامر إلى المستوى الذي يعمل على تنفيذها بالفعل، متابعًا: «أنا ممكن أجيب رؤساء الهيئات والمديرين في المكتب، وأقولهم التعليمات وأنا قاعد في المكتب، لكن نقلوها أو منقلوهاش أنا مش هعرف».
واستطرد: «لكن بوصل بنفسي للمواطن والعامل والمهندس على الطبيعة وأديله انطباعي أو مهمة وآجي بعدها أشوفه نفذ المهمة ولا لأ، لو منفذهاش هنفضل معاه لحد ما يتعلم وينفذ لأنه ممكن يكون مش فاهم».