سالي عبد السلام تستقيل من الراديو «9090»: «كان نفسى أودعكم على الهوا»

أعلنت سالي عبد السلام، مذيعة برنامج "اتمسوا" على الراديو 9090، عن تقدمها باستقالتها، اليوم الجمعة، عن اقتناع، بعد عمل 5 سنوات بالبرنامج.
وكتبت «سالي» عبر حسابها بموقع «فيس بوك»: «صليت استخارة كتير.. والخيرة فيما اختاره الله. كان نفسى أودعكم على الهوا بس محصلش نصيب الحمد لله».
وتابعت: «هرجع وأقول الحمد لله على نعمة الاختيار، وأن الواحد ميكونش مجبر على حاجة مش مرتاح فيها ولا عليه التزامات أو أقساط أو شايل مسؤولية حد. الحمدلله إن الواحد راضي».
وأشارت إلى أنها تعتبر آخر 3 حلقات لها بالبرنامج علامة، حيث كانت عناوينها؛ «محدش ياخد شغل حد أو يقهره حتى لو مكانش صاحبه»، «الجدعنة مبتتجزأش بالقرب»، «لما تحس إنك قليل الأدب تبقى مؤدب عشان قليل الأدب مبيحسش إنه قليل الأدب».
وواصلت: «عمري ما سيبت مكان بمشكلة أو غلطانة في حد أو كارهيني ويكرهوا إننا نرجع نشتغل تاني».
واختتمت «سالي» حديثها قائلة: «كل زمايلي في 9090 هتوحشونى.. المذيعين هتوحشوني والمستمعين هتوحشوني. وأمانة تدعو لي في الخطوة الجاية. انتوا الرزق الوحيد اللى مصبر الواحد على حاجات كتير. اللهم حبب فينا خلقك».