فيديو.. «القرموطي» يأكل «فتة وكوارع» على الهواء

استهل الإعلامي جابر القرموطي، حلقة اليوم من برنامجه بتناول وجبة متنوعة من منتجات اللحوم تضم «الفتة وشوربة الكوارع» والمسماة ب«الحلويات»، قائلًا: «راجل نضيف اللي أنتوا جايبين منه ده ولا إيه».
وقال في برنامج «مانشيت القرموطي»، المذاع على فضائية «العاصمة الجديدة»، مساء الأحد: «كان زمان تروح تاكل كوارع بحوالي 30 أو 40 جنيه والواحد ساعتها يقول أنا هطلع جبل المقطم»، مضيفًا: «تكلفلة نفس الوجبة وصلت الآن لحوالي 150 جنيه، هل ده ثمن غالي ولا ثمن رخيص؟».
وأوضح أن تكلفة تناول فردين ل«الكباب»، لن تقل حاليًا عن 300 جنيه، متابعًا: «لو كلت كيلو كباب مش هتدفع أقل من 300 جنيه، وممكن يكون لحم حمير على فكرة».
وتسائل: «هل بالفعل وجبة الفتة والممبار وشوربة الكوارع تصل إلى 150 جنيهًا؟، وهي المفروض طعام بعض الغلابة، أنا بشوف الحاجات دي بتتعمل سندوتشات في الشارع وبتمشي والناس بتاكلها»، مطالبًا الحكومة بحماية المواطن من غلاء الأسعار وجشع التجار.