حبك انت شكل تانى

سجال وأرتجال بين الشاعره / إيمان ذهني والشاعر/ مجدي فرج عامر
بعنوان .. حبك انت شكل تانى
1- إيمان
-*-*-*
حبك أنت شكل تاني
قلبى عمره مايخسره
حبك أنت فات وجاني
قلبي حضنه وقدره
2- مجدي
-*-*-*
حبك إنتي صحي فيه
عشق ساكن وأنتفض
بيكي أصبح لي هويه
حبك أنتي ما يترفض
3- إيمان
-*-*-*
أوعي تبعد ولا تهجر
ولا حاااااااجه تغيرك
أوعي تخسر قلب حبك
قولي إيه جه حيرك
4- مجدي
-*-*-*
البعاد عنك محاااااال
قلبي حبك ليكي مال
إنتي لحن ف غنوه حلوه
إنتي ضرب من الخيال
5- إيمان
-*-*-*
ده الشيطان وسوس مابينا
حبنا ليه راح هباء ؟؟؟
جاك ووزك تتهمنى
أني مش أد الوفاء
6- مجدي
-*-*-*
أتهامي ليكي واقع
مش خرافه خزعبلات
عشقنا كان دافي رائع
ليه ما بينا الحب مات
7- إيمان
-*-*-*
عمري أبدا ما أقدر أهجر
أو أبيعك أو أخون
والأمانة هى طبعى
مهما هتقول بالعيون
8- مجدي
-*-*-*
نفسي ننسي القسوه مره
ونزرع الحب إللي باقي
ف الجفا دنيتنا مُره
إمتي هيكون التلاقي
9- إيمان
-*-*-*
لسه باقيه ع إللي بينا
حبى مخلص مهما قالوا
يلا قولي كلمة حلوة
نسي قلبي إللي جرا له
10- مجدي
-*-*-*
برضه زيك لسه باقي
أصل إحنا ف بعض دوبنا
كاس محبه لقلبي ساقي
يسري ف صحة قلوبنا
11- إيمان
-*-*-*
إللي حبك حب مخلص
إللي دايما يصفي ليك
ده أنت قلبي ونور عينية
وأنت عمري وروحى فيك
12- مجدي
-*-*-*
قلبك ابيض صافي باسم
لسه ف قلبي معلم
حتي لو جه يوم وخاصم
قلبي يجري عليه يسلم
13- إيمان
-*-*-*
قول لقلبك خدنى جنبك
عشت طول عمرى أحبك
حط إيدك جوه إيدى
ضمنى يلا إليك
14- مجدي
-*-*-*
إيدك أنتي ف كف إيدي
صحا شوق جاري ف وريدي
شعلل النار إللي فيه
ياشموع الحب إيدي….