حبيبة الأحلام

وحشاني يابلادي
ليه غِبتِ عني بعيد
قلبي لكِ مفتوح
ياصوتي يامبحوح
قول للحبيبه الغاليه
ردي على أبنك
اللي الدروب وخداه
والغربه شدا خطاه
يبات ليلاتي يحلم
بحبيبة الأحلام
يامعدي بالمركبه
هدي وقولي سلام
وخد سلام متعطر
من قلب ماعاد يقدر
ع الفُرقه ويا الغُربه
لحب قلبي وعمري
لحبيبة الأحلام
حبيبه متأصله
على قلبي متفصله
وجوا نني العين
حاضره حضور الشمس
مايغيب نهارها يوم
حاضره لبكره وأمس
بلدي وروحي فيها
بامشي بخطى خطاويها
وانشد بُكا أغانيها
وان يوم دموعها سالت
ع الخد ويا القلب
تُحفر دروب الوعد
اللي قطعته ليها
وحلفت بيه ياحبيبتي
ماتنامي يوم محزونه
متكدره …ومهمومه
ولا عشت ابنك إلا
والفرحه فيك منصوبه
والبسمه ويا الضحكه
على الوشوش السمر
اللي عيونهم ليل
فيه القمر بيطل
والنصره جوا عيونك
تُبرق بريق الشمس
مايغيب نهارها يوم
حاضره لبكره وأمس
يامعدي بالمركبه
هدي وقولي سلام
وخد سلامي ليها
بلدي وروح فيها
دى حبيبة الأحلام