قصيدة افتكر السنين

افتكر السنين
بشوق وحنين
الاقى السنين متشرحه
وبظلم العباد متجرجه
والفرحة تقولى انت رافضنى
انا راجعه تانى مروحه
أنت حزين انا ذنبى ايه
أرجع طريقى مطوحه
نصيحه منى انسى همومك
عيش ليومك حس السعاده
عيش للعباده
ولا الذنب ذنبي
ولا هو ذنبك
عيش الحياه بمرها
هى كده طول عمرها
انسا اللى راح خطى الجراح
شوف السعاده وروح لها
لو هى ماتت انبش بايدك قبرها
واصبر تشوف ايه اصلها
انسا الجراح خليك سعيد
وخلى قلبك من حديد
انسا وعيش حلم الوليد
وإبدئ حياتك من جديد
اصل الحياه فى عصركم
هى كده على بختكم
القوى بينهش فى الضعيف.
مستكتر عليه بهجته
والغلبان عايش ع .الرصيف
مش لاقى حتى لقمته
شفت النجوم فى ضيها
الكل احتار فى وصفها
عاوزه تبقى زيها
ليه ترمى نفسك فى الهلاك
انا مش ملاك
انا نعمه خلقها ربنا
أسعد قلوب المجروحين
م انت واحد منهم
ادعى لرب العالمين
يسعد قلوب المجروحين
وينصر كل المظلومين