قصيدة بعنوان أنا أنا

انا انا ومش ممكن أكون غيرى
كتير بضحك و عند الجد أكون ميرى
كتير قالو عنى مستهتر
لكن جوايا شيئ اكبر
ومين يعرف حاجه عنى
انا اللى قلبى بيغنى
قصيده حروفها موجوعه
صداها ف قلبى مسموعة
وضحكه أصولها مصنوعة
انا الانسان مش اكتر
وعمرى ما كنت مستهتر
مش معنى كده سكوتي ي
كون برهان على موتى
انا ساكت عشان بوحى
بيرفرف على جروحي
و كل امال و طموحى
أعيش حرية مش اكتر
سيبونى فى حالى لو مرة
أعيش الباقى من عمرى
انا المدبوح لكن عايش
وشايل بين ضلوعى هموم
انا الحاكم وليه محكوم
مانيش ظالم لكن مظلوم
مانيش قاتل لكن مقتول
مش بكتب كلام منقول
انا بكتب من الواقع ف فيلم كبير
بيلخص حياه تائه وأجزائه ف 6 فصول
ومش معقول أعيش دايماً كما المسطول
شربت المر من كاسى
حرقت بايدى كراسي
ورميت سهمى باحساسي
وكان مسموم ب احزانى
أصاب الفرح فى قلبي
أنا المهموم
وطريق الفرح اودامي بقا معدوم
وحتي الدمع فى عيني بقا مصدوم
بينزل كا سيل جارف
بيروي الشق في خدودى
ويرسم تفاصيلي وحدودى
مانيش هندى ولا سعودي
وعمرى ما خلفت فى وعودى
انا مصرى ودمي حر
ومهما العمر عدا و مر
حعيش إنسان ما حتغير
خلاص اعلنت عصيانى
على نفسى وانا الجانى
ومش ححلم خلاص تانى
وليه احلم وانا عارف
نهايه الحلم 1000 كابوس
وبيهز في وجد انى
مانيش ظالم و لافاسد
ولا ممكن اكون حاسد
عشان قدرى فى الدنيا ما منه هروب
وليه ازعل وانا مؤمن