غلطة سكوت

عشت سنين عمري فحبك
بيني وبين نفسي بحبك
ولما بتيجي عيني فعنيك
بحلم باليوم اللي الاقيك
جايلي وواخدني فحضنك
عشت سنين عمري فحبك
بيني وبين نفسي بحبك
اترددت كتير اقولك
سألت عقلي قال قولي
وكل ما اجي عشان اقولك
الاقي عنيا وقلبي وايديا سبقوني
فبسكت واقول اكيد حسيت
ده أنا العاشقة وانت المعشوق
اكيد باين فعيني الشوق
ليوم تيجي تقول حبيت
وجه اليوم... وقلتلي أنا حبيت
ساعتها طرت أنا وحسيت
أميرة وجاي ياخدها أمير
وبحمد ربنا ...قبل اما ارد سألتك هي مين؟؟
لقيتني مش أنا المحبوبة
ساعتها كنت عايزة أهرب
وبستغرب...
معقولة محستش بيا
معقولة مفضحتنيش عنيا
ابقى جمبك وتشاورلي وتقولي هيا ديا
للدراجادي معرفتش اوصل حبي ليك!!!
سكوتي كان غلطة وكل يوم بندم عليك
بتحكيلي عليها وعلى حبك ليها
شايفاك مبسوط وانت بتحكي
وأنا بسمع وبقولك كمل
فرحان قلبي لفرحك ..
وفنفس الوقت بيتألم
وخلاص قررت أنا وقلبي ..
لازم ماللحظادي نتعلم