خطيف النبي .

زجل مغربي .
خبرني با طائر خطيف النبي خبرني عن بلادي ,
و إحكي لي طير بيا لبلاد شمسي ,
اديني طير بيا لبلاد أجدادي إديتي خبرني يا خطيف النبي و إحكي لي عن أحلامها ,
عن جمالها و ناسها خليني على جناحك ,
نشم ريحة الياسمين و ألزهر خليني أنخطف أخبارها و صدا كلامها خليني , على ظهرك يا خطيف النبي خليني أه يا بلادي , اه يا بلادي اه ,
راه الشوق كلاني يا طاير خطيف النبي , بقى لي سنين ما سمعت خبارها ,
ما حسيت بناسها يا طير خطيف النبي , بقا لي أعوام ,
ما مشيت و لا شميت ترابها و لا جريت في زناقيها و و لا رشمت في قلبي حروفها ركبني فوق جناحك و طير , فوق البحر , فوق الموج طير و لو لمرة نحلم ,
و لو مره نفرح على تراب بلادي نشطح أه يا بلادي أه ,
أه يا بلادي أه راه الشوق عماني ديني لبلاد الربيع , دابا ديني نشم زهوروا ,
نعنق حبابوا ديني ديني ديني سير على الله ,
يا طير خطيف النبي جري بيا في الريح ,
خليني نشم أنسامها راه بلادي تتنادي علي بالشوق و بالحب دي حلامي معاك ,
دي إشتياقي معاك راه الغربه دبرتني راه الصبر قهرني راه الشوق كلاني طير بيا ,
رجعني لذكرياتها أه يا بلادي أه با بلادي أه , راه الشوق ما نساني خطفني من رزانتي ,
خرجني من غدايدي كسر جراحي ,
و اديني على جناحك ,دابا اديني اديني حطني في بلادي ,
و خليني لبلاد شمسي و ناسي و حبي لبلادي اديني لبلادي إديني دابا ديني يا خطيف النبي ,
لا تساين , لا ترجع في كلامك صافي صافي عي إديني لبلادي طير بيا وديني أه يا بلادي أه يا بلادي اه , راه الشوق عماني ديني لبلادي يا خطيف النبي عي ديني على جناحك دابا ديني خطيف النبي . نورا عمران