يا مصر بنحبك

بحبها مهما ..
حصل منها ..
ومقدرش اعيش ..
غير تحت شمسها
هى أمى وعيلتى..
هى ارضى وعرضى ..
هى كل حاجه حلوة عيشتها
غالية عليا
يا أم هامة عاليا
بايدى هكبرك
وابنى مصانعك واعمرك
وفى الخطر أنا فداها وجنبها
مستغناش يا بلدى
ولاعمرى احب غيرك
ومهما قسيتى هستحملك
ماهو قدرى اكون ابنها
العيون عليكى
والطمع مالى القلوب
اللى نفسه تكونى ليه
واللى عايز يهد فيكى
مستكترين الفرحة على شعبها
متخافيش يابلدى
م اللى شارد واللى كاره
البطن فى اولاد ياما شالت
والاصناف كتير
العالى فى القلب
والواطى ميهزش عرشها
امشى فى طريقك
هنسندك
بره وجوه هنكون معاكى
بيكى وليكى مش هنخذلك
متمسكين بيها وبرايتها
بنحبك يا مصر
يا أم الدنيا
ياست الكل
ومعاكى لحد النصر
ارمى علينا حمولك
واحنا أدها