الدكتورة فينوس فؤاد تفتتح معرض "كتالوج" اول معرض تسويقى لطلاب فنون جميلة

افتتحت ظهر اليوم الدكتورة فينوس فؤاد - رئيس الإدارة المركزية للمسابقات الأدبية بوزارة الثقافة - معرض كتالوج وهو أول معرض تسويقى لطلال فنون جميلة فى مصر.. فى شارع 250 فى المعادى.
حضر الافتتاح رئيس حى المعادى نيابة عن محافظ القاهرة وبتكليف من معالى رئيس الوزراء ، والاعلامى ابراهيم حجازى (برنامج دائرة الضوء) اللى انبهر بالشباب وقرر استضافتهم فى برنامجه هذا الاسبوع.
المعرض احتوى على حوالى 150 لوحة منفذة بالخامات المختلفة كولاج وموزاييك وألوان مائية وزيت ورصاص وفحم وأحبار و نحت واشغال فنية.
الحمله اللى سموها هنلونها ... بدأ الشباب فيها بتلوين سلالم كبارى المشاة وعملوا جداريات على قدهم كده بس عجبت الناس جدا فى الشارع والفكره كبرت جدا و قابلوا الرئيس المحترم عبد الفتاح السيسى الشهر الماضى.
والرئيس عبد الفتاح السيسي تحمس لهم جدا وأصبحت حملتهم برعاية رئاسة الجمهورية.
قالت الدكتور فينوس فؤاد: على الرغم من برودة الجو والامطار الخفيفة الا انى كنت سعيدة جدااااا بحماس شباب حملة .... "هنلونها"
وأضافت الدكتورة فينوس : الشباب قصدهم باسم ....هنلونها ... أنهم هيلونوا مصر ...لكن انا اكتشفت انهم هيلونوا حياتنا بفنهم وحماسهم وحبهم لبعض واكييييد بحبهم لمصر
‫الاجمل‬ أنهم بدأو ينشروا أفكارهم لكليات الفنون الأخرى واستضافوا بعض طلاب تربية نوعية وفنون تطبيقية.
المبهر أنهم قرروا يبيعوا لوحاتهم بأسعار رمزية جدا لا تزيد أكبر لوحة فيهم عن 700 جنيه ..
واللحظات اللى لايمكن انساها فرحتهم ودموعهم بأول لوحات تتباع لهم فى حياتهم ... دموع وتنطيط ومشاعر لاتوصف
وكمان توقف السيارات ورجوعها للخلف للتمعن فى اللوحات والسؤال عن اسعارها.
الولاد باعوا لوحاتهم وأخذوا تمنها من غير عمولات او استقطاعات أو سمسرة أو حتى براويز
ربنا يحميكم يا شباب مصر الجدعان اللى زى الورد