قصيدة ... كفاية كده

مظاهرات..مظاهرات
وقفات..وأحتجاجات
ليه..ليه كفايه كده
تعالوا نبني مصرنا
نشبك أدينا في بعضنا
نتكاتف ويا حبنا
والهمه يلا تضمنا
علشان البنا يتشمر
يبني الأرض ويعمر
والفاس يرقص ويدور
يكتر محصولنا ويزهر
يكون الحاضر جاي قادر
يكون صادق بعهد جديد
وأعيش مره بدون تهديد
مش خايف من بكره
عشان الدنيا تتبسم
وصوت السقيا يتنسم
يكون لي مرسي متقسم
تخضر أرض أحلامي
أنا م وأهدأ في منامي
مخافش تاني من بكره
وأكون واثق في أيامي
أرسم حلمي أدامي
تعالوا يلا هانغني
غنوه أمل..غنوه عمل
غنوه ربيع متنغمه
متقسمه ..متلونه
بلو الصبا وعزم الولد
غنوه صبيه في مهداها
غنوه جنين بيتولد
غنوه عذاري في قلوبها الأمل
غنوه قمر..غنوه نجوم في السما
تبني وتعلي في مجدها
لما الأمل يصبح عمل
لا بد نعمل كلنا
والنفوس الصافيه تضمنا
نهتف لمصر كلنا
قومي يامصر..قومي يامصر
قولي لولادك يكملوا النصر
ببناء مصر وأرض مصر
مش بالوقفه لحد العصر
وكلام كتير من غير أصل
ياولادي..ياولاد مصر
أمكم بتنده عليكم كلكم
شدوا الرحال لأرضكم
إرضوا مره أمكم
خلوا العالم يشهد لكم
إن بعد الثوره
عمار في عمار
مش دمار في دمار
ونعيد تاني المشوار