قصيدة ... ب اختصار - من ديوان كونشيرتو الوداد

كل شيئ
له نهايه
كالطريق
كالروايه
كالحكايه
كالحياه اللى من البدايه
نعرف انه هايجى يوم
تنسحب كما ريح حسوم
بعد ماتسيب لينا كوم
م الغيوم
أو هموم فوق الإراده
والأكاده
صدفه يمكن مستحيله
وأن أوهمنا الجميله
كل ليله
هبو كبخار الأوانى
وأن أفرحانا القليله
إلبخيله
عمرها يادوبك ثوانى
وأسألى دموع الأغانى
ع الأمانى
تلقى إنا العاشقين
مجبورين
ع الفراق
حتى لو عصلجنا وأحنا اتنين سوا
جاى هوا
حد اسمه الموت هاينيهيها الكوميديا
ب تراجديا
والستاره
فجأه تنزل ..ف الشطاره
أنا منعشمش روحنا بأى مفيص محتمل
ما اهناش أمل
أنه مايجيش الأجل
لأ هايجيى ف إيده كاس مر المرار
ب اختصار
إحنا ملناش اختيار
اتولدنا
و
مش بإيدنا
واما عشناها الحياه
اكتشفنا
إنا عارفين م البدايه
إنه ده شيئ له نهايه
كالروايه
كالحكايه
كالطريق لو طال ل فين
نبقى ليه مستغربين
ان خيط الوصل بينا
فجأه ممكن...
ينقطع؟1