قلم السمق

سالت الجروح على تراب مهمولة ناسوا ،
ما بقى حد يسول الفرحة تباع بشحال.
هم المسكين على طرف الخبز و جوج دراهم السكار.
و كاع باغي يرحل
.أمواج الغربة تتنادي،و ݣلبي عليك يا بلادي ،
نسول الليل ،آش جايب لغدا من هم؟؟؟؟يعادي
و نسول الشمس؟؟؟؟ آش مخبية من طلوع الدم! !!!!
الظلم تتفرق بالخناشي ،
و أنت مخلي فرحتك و غادي””
إيه ههههههههههه غاديييي
تسول أمواج البحر ،شكون الشاري
شكون الشاري؟؟؟؟؟؟
الكمرة باكية و النجوم شاكية
فين راك غاديييي
فين راك غاديييي
مداد اللوم تلوم في الوراقي ،آ
شمن وريث عايورث أرض أجدادي
قرا و كول ما قريت ،شكون يحكم و ما يبقى يلالي
يقاقي ،يجذب في الحضرة ديال بلادي
الشموع في طريقي
عيون باكية في زناقي
عيون تايهة على و انا مالي
مالت الشمس ، غريبة حزينة
تتسول
فينك يا ولادي
خيوط مغزولة من الشمس مفتولة بالسم
،على جبهة ولاد بلادي
تبقى ،ظلمة و الحشمة قرب الحيوط تتفك الخيوط
المجذوب تلف ،هرف شرف تاه على الحكمة اللابسة الهم
فينك يا رابوز ،مشات النفس ،ماطفات عوافي
أحلام شاعلة ،ما يحققها سياسي.
سكات ،و الموت تتسارى ،و اليأس تنادي
تصيح
شعبي تعاني
شعبي تعاني
تعاني
نسول و نݣول
واش فات الفوت
واش فات الفوت؟؟؟؟؟
تبكم المجذوب ،في دار غفلون ،تطرش الحناكي
ما طغات عافية ،ما عمروا براد أتاي و يغني و يسقي الولهان و لعطشان
فينك يا الساقي
فينك يا الساقي
صام المجذوب من كثرت الغوات تبح ما بقى يصرخ و لا يقاقي
حكمة الريح تكتبه على شواطئ بلادي
بالعرام يموتوا في الأمواج أجمل الدراري .
وطن مجروح ، ساكن بين الوديان و الجبال و الصحراء ،صامت في الصبح و الليالي
الميمية يا الميمة
مغلوية على أمرك كيما ديمة
القلب حزين ،هازة كفوفك لله
على الله ،يشعل الشميعة
ضوي البلاد ،تنسي الهم يا الحنينة.
أه يالميمة
✏️ قلم السمق مجروح بين❤️ القلب و الروح ، بالسمق و الريحان و البخور ، يفوح و يعاني يا بلادي
كتاب مكتوب بالسمق المسحور ،
و لا المجذوب يحاول يفك المستور
يا بلادي
ولا بحاول يفك المستور يا بلادي
ج ف ب