يرحمكم الله

من ساعة ما حكومة شرف جت قاعد براقب الوزراء وأيه اللى ممكن يعملوه.....عندك مثلا ماجد عثمان وزير الإتصالات واللى قبليها كان مسئول عن مركز المعلومات وطبعا فاكرين الإحصاءات والتقارير المضروبة مفيش داعى أفكركم بيها طب علشان أحنا فتحنا صفحة جديدة تعالى نشوف الراجل بيعمل أيه ....خلينا نقف عند قانون الإتصالات الجديد فاكرين طبعا قطع الإنترنت والمحمول يوم جمعة الغضب هنتتصرف مع الحكاية دى أزاى عايزين نعرف ياترى لو جه حاكم ظالم تانى ونزلنا نعمل ثورة وأتقطعت الخدمة لما تنجح الثورة نقدر نحاسب مين بقى ......أنا متابع الراجل اللى لسه عايش بدماغ النظام البائد بيقولك أيه" تستدعى المصلحة العامة أحيانا التدخل لقطع الإتصالات فى الجمهورية فى حالات مثل الإحتلال التى قد تنجم عن الحروب أو فى حالات الحرب الأهلية مثلا مثل أو العصيان المسلح" أه ه ه ه قولتلى يعنى لو حصل وحبينا نعمل ثورة تانى الخدمة هتتقطع بنفس الطريقة ........وطبعا لازم فى ظروف البلد الإقتصادية تتابع مين الراجل اللى جه مكان يوسف بطرس غالى وزير المالية الجديد..... سمير رضوان ناس كتير مدحت فيه ماليش دعوة أنا ليا بأداء الراجل ..... سمير رضوان يحمل الجنسية السويسرية وزوجته نفس الشىء معلش وماله ياسيدى لا وعضو لجنة السياسات بالحزب الوطنى المنحل منذ عام 2005 ياعم طب ماشرف نفسه كده وطلع قال إن أباطرة النظام البائد كان شرطهم لإلحاق أى واحد بالحكومة أنه ينضم للحزب الوطنى وبالتحديد لجنة السياسات لا بس رضوان كان راجل واصل ده كان قريب من محمود محى الدين والوريث كان دايما بيوصى عليه وتم تعيينه فى المجلس الوطنى للتنافسية مع حلمى أبو عيش عام 2006 والمخلوع عينه فى مجلس الشعب لا وأيه بقى رئيس اللجنة الإقتصادية ياعم قلنا اللى فات مات تعالى برضه نفتح صفحة جديدة طب تعالى نشوف عمل أيه رضوان رضوان أول ما جه قال أحنا هنعيين الشباب فى الهيئات الحكومية راح متقدم 5 مليون شاب راح قال طب نحولهم للقطاع الخاص بقى.....كلنا فاكرين أننا طالبنا بإلغاء المستشارين وبعد كده قولنا طب بلاش نقلل مرتباتهم سمير رضوان عمل العكس ضاعف مرتبات مستشارى وزارة المالية يعنى الغلبان هانى قدرى مساعده اللى زاد مرتبه 50% وبقى 70 ألف جنيه شهريا غير مرتبه اللى هو كام 21ألف جنيه شهريا ضيف بقى التمثيل فى اللجان وعضوية مجالس إدارة الشركات بس قدرى غلبان أمال أمينة غانم مساعدته اللى بقالها 20 سنة بتساعد بطرس غالى طبعا تقديرا لهذا تم زيادة راتبها بنسبة 100 % من 30 ألف إلى 60 ألف وطبعا زى قدرى 21 ألف جنيه شهريا مش مساعد وزير ياجدع وسامى خلاف الراجل المسئول عن الدين العام والسندات وأذون الخزينة كان مرتبه يدوب 45 ألف جنيه بقى حايالله 65 ألف والقائمة طويلة بإختصار كده علشان ضغط حضرتك مينفجرش وسكر حضرتك برضه مش هأقولك أكتر من إن فى فى مكتب رضوان أكتر من 100 شخص مرتباتهم تزيد عن 750 ألف جنيه......