فاضل .... فاضل ليه

أعتقد أنا وأنت متفقين على شوية حاجات منها إن من ضمن أهداف الثورة الأساسية .....التطهير ....شلنا رؤوس النظام بس لسه محدش فكر يشيل الورثة فى مختلف القطاعات فاكر لما قولتلك أننا مستنيين خير بعد سقوط النظام وهنتمتع بموارد عمرنا ما حسينا بيها قبل كده زى قناة السويس لكن طالما أحمد فاضل رئيس الهيئة لسه وجود عمرنا ما هنحس بأى موارد ....يعنى لما جميع قطاعات قناة السويس يدخلوا فى إعتصام فى نفس الوقت اللى أحنا فيه مفيش قدامنا بيان أو منشور يوضح الإيرادات الفعلية لقناة السويس وصندوق العاملين بالهيئة يحتوى على مليار و360 مليون جنيه برضه هطرح سؤال ليه فاضل ملتزمش بالإتفاق اللى أبرمه مع وزارة القوى العاملة والذى ينص على صرف علاوة دورية 7% من الأجر الأساسى وزيادة الأجور بنسبة 40
%من الأجور الأساسية يبقى فاضل بيلعب بره وجوه يبقى السؤال فاضل لسه فاضل ليه؟!!!!! لازم يتشال
أصبح بقاء المخلوع بشرم الشيخ لغز لماذا لا يتم تحويله إلى أى مستشفى عسكرى ..........محدش يقوللى صعب تأمينه لا
سهل على فكرة يعنى أنت عايز تقنعنى إن الحراسة اللى قادرة تحميه من بطش أهل سيناء وهم أكثر فئة فى مصر متضررة من مبارك بسبب وقف الحال مش هتقدر تحميه من الناس هنا اللى مستنيه محاكمته بفارغ الصبر........أعتقد أنه لازم يجى السياحة أنضربت وخسرنا 18 مليار جنيه
مستغرب من إن سمير رضوان وزير المالية الحالى كانت شغلته قبل كده الأجور والمرتبات طب أزاى الراجل اللى قالك الحد الأدنى للأجور هيبقى 700 جنيه ..... محدش عرف يفهم حاجة الراجل طلع قالك أحنا هنخلى 18 خانة فى ورقة المرتب دول 3 خانات بس خانة للمرتب الأساسى وخانة لحافز الإثابة وخانة للخصومات ..... ماشى بس الأخ سمير رضوان من الأخر كده حاوى ليه بقى مجبش سيرة الضرائب والتأمينات وخلافه يعنى من الأخر ال700 هليفوا ويرسوا فى الأخر على ال400 جنيه اللى كان النظام البائد عايز يخليهم الحد الأدنى للأجور........ده غير السلف اللى شغال عليه الراجل وال24 مليون جنيه من البنكنون اللى طبعهم عشوائى ومالوش دعوة واللى جاى بعده يشيل بقى الديون والتضخم
قرأت خبر غريب ونتائجه خطيرة ....أنصار المخلوع بصدد إنشاء قناة تبرز أهم السلبيات بعد قيام الثورة.........الإنفلات الأمنى ... الفتنة الطائفية ..... صحيح فيه ناس أدمنت العبودية
كل حاجة بتحصل بتأكدلك أننا لسه ماشيين بنفس سياسة النظام البائد