مصر قبل الثوره

عارفين كان أيه اللي يجن
صدرها مابقاش بيحن
مش حاسه أنها أم
لوحد بيرضع ف عيالها
بتزقه عشان تبعده عنها
وتكشر وتحمر فى ودانها
وبتتهز بكل كيانها
وتنسى حنانها
وبترميه وتسيبه يأن
وعارفين أمتي بيطلع خيرها
لعيالها وللا لعيال غيرها
وتضحي عشانه بضفايرها
أن كان قوى قوى ومهم
واللي بياخد حقه منها
وبيقدر يرضع غصبا عنها
تكشر وتجزعلى سنانها
وتسخن وتحمرف ودانها
وتقوله بالسم
أم بتضحى بعيالها
ماهيش على بالها
ولا فى خيالها
جراثيم بتسد ف شراينها
واللى بتدلعه بيهينها
شرياهم وكانوا بايعينها
ف الزنقه ماحدش بيعينها
ناهبينها ودي شايفه بعينها
حراميه كتيرقوى عماله تلم
وعيبها مابتقبلش نصيحه
وكل يوم فى بيتها فضيحه
ومع ولادها ياريتها صريحه
وغصبآ عنها الريحه بنشم
مابنقدرش نعملها حاجه
بتسيب سرها مع أي خواجه
أمي غنية ماهيش محتاجه
لكن نكديه بتحب تشيل الهم
خيرها كتيروقدام عنينه بتهمله
وعمرها ماعملت مشروع وتكمله
واللى يعترض على تصرفتها
من عيالها بتذله وتسحله
أم غريبه عارفين مين احب عيالها ا
للى بيحشش ويشم
*****