ده كان زمان

كنا زمان عايشين
وكان أي شئ بيرضينا
وجه زمان بعد الزمان
غير حاجات حلوه قوى فينا
لمتنا ع الطبليه
وشويه فول وطعميه
وساعات نديها بصل
وشوية مش وطحينه
وشوية ميه م القله
والعيش طازه من الغله
وتلاجتنه حللا
ونصحى لشغلنا بدرى
نمد كلنا ونجرى
ومحدش كان يصحينا
والرزق كان كله بسيط
والكل كان فرحان بيظيت
لكن كان يشبعنا يكفينا
عايشين نحب الصبر
ونتعظ م القبر
الحب جرحنا وفرحنا
وطبيب يداوينا
كانت أحلامنا ديقه
ومحندقه وصابرين
وأبويا كان شبعان شقا
وراضى وإحنا كمان راضيين
كان سهل الحلم يتحقق
مفيش حد بيدقق
ويفتش عليك ويسألك
أنت ابوك كان مين
دى كانت عيشتنا ساعتها
وعارف بأيه حاسين
حاسين أن حنا ف وطن
وإن احنا بني أدمين
دى كانت حياتنا زمان
أيام الخير والأمان
لما كنا لسه مصرين