ليه بتتكسفى

أقول يا حلوة
ليه بتتكسفى ؟
وأقول بحبك
وأعترف
وإنتى تخافى تعترفى !!
واقول بريدك
يا قمر ليلى
نوَّرى لى الطريق
وغَنّى معايا مواويلى
لا راضية تكونى ويَّايّا
ولا حتى سمعتى لى
ويحلالك تشوفينى
فى نار حبك
يزيد ويلى
وماصعبتش عليكى يوم
ولا عايزة تميلى لى
وسيبانى
أقاسى جفاكى ... وأعانى
لأنك ساكنة تكوينى
وعارفة ده كله .. وتعاندى
تعاندينى
عاندى كمان ..وهاتجينى
مسيرك يوم
هاتمشى لى
طريق مرسوم
لا يمكن عنه تنحرفى
(ناجى الجندى )