حفلة بعد الثورة

جوا نعمل حفلة..ايه رايكوا؟..كل واحد يلبس الحتة الزفرة وييجى يلا معانا بس هية حفلة على الورق عشان تكونوا عارفين..كل ولد ساحب بنت معاه وداخل قال ايه البوى فريند بتاعها والجيرل فريند بتاعته....وحوارات..ايه ده الموبايل اللى معاك ده نوعه ايه....ده 60 20 يا حبيبى ..يا راجل؟؟بس ده مفيهوش ميمورى..يلا حلو مش مشكلة..وانت ..لا انا معايا 9500..اه ده بقى قيمة وسيما وعشرة على عشرة..وانت...انا معايا 6710..اه هوة قديم شوية بس يلا فيه بلو توث كويس...وانتى يا بطة معاكى ايه؟؟..انا معايا 6260..اه دة الكاميرا بتاعتة حلوة..يلا على بركة الله..الرقص هيبدا يا رجالة يلا كله يديها تانجو...يلا التانجو خلص ادوها شوية كلاسيك..يا سلام دانتوا شباب زى العسل..ايه بتقول ايه بوفيه..دة هنا اوبن بوفيه رائع اوى وفيه جميع انواع السلطات والفواكة والمشهيات واللحوم الحمراء والبيضاء..يلا بالهنا والشفا..لا اوعى تقول الحفلة خلصت يا خسارة خلصت بسرعة بس ان شاء الله نعمل حفلة تانية قريب يكون فيها تامر حسنى وحماقى وحاتم فهمى عشان الحفلة دى للاسف اعتذر عنها عمرو دياب ومصطفى قمر وايهاب توفيق وانا وانت يلا البركة فى الدى جى بقى.