خواطر بتتمخطر: فلسطين وجُرح السنين

بينما أتجول فى بحر الفيس بوك ، قرأت هذةِ الكلِمات ، فأبكتنى
وغريب الأمر أنّ الكلِمات لشاب إسمُة محمد عاطف، وهو ليس إبنى
لكن الجُرح واحد، والألم واحد، وستبقى فلسطين هىّ الجُرح والألم والدموع
انا غير كل البنات...انا شابه فلسطينيه
العمر ؟ لا تعدوا عمري اسمعوا مني القضيه
انا يوم صرختي الاولى كانت بدايتي الحقيقيه
اليوم اللي أمي وابويا قرروا يسموني هنيه
كانوا يتمنوا انه يكون ليا من اسمي نصيب
والله ضحكت اما اتذكرت شعب فلسطين العجيب !
شوفوا رغم ويلات الحرب وظلم العدو الرهيب
عندهم امل في بكره . رغم ان بكره صعيب
في ارض سخنين الغاليه نشأت مع ولاد عمي
وأخي حسين اللي كان بيخطف مني قلمي
اصل انا برسم لوحات .بيقولوا مليح رسمي
كنت اجري على جوه الدار واقول غيثيني يا أمي
وسخنين للي مايعلمش هيا مدينه عربيه
ضموها في الاربعينات لشمال الدوله العبريه
هذه الدوله المزعومه الحاقده الصهيونيه
اللي بتقتل في اطفالنا بكل الطرق الوحشيه
تخرج امي على بكائي وتقولي مالك يا جميله
بضفيرتين الملفوفتين كنت أشبه اجمل اميره
بأيديها بتمسح دموعي وتقعدني ع الحصيره
وانا اقولها حسين ولدك خد مني العابي الصغيره
وتنادي ماما بصوت مسموع وتقوله تعالى ياحسين
يجي حسين في هدومه مبلول ماهي أمي عليها نظرة عين
لو شافها جندي اسرائيلي يجري من خوفه.. اللعين
مش ماما وحدها شجاعه دا كل نساء فلسطين
بعد ما بأخذ منه العابي نرجع نلعب سوا من تاني
انا وحسين ما نقدر نبعد عن بعض ولو ثواني
طول اليوم بنجري ونمرح وع الدبكه نسمع اغاني
كنا بنحلم بكره يجي ويحقق كل الاماني
وكبرنا انا وحسين قلبنا من الفرحه رقاص
نمشي في ارضك يا سخنين يراقبنا سلاح القناص
ما بنخاف غير من الله رغم اصوات الرصاص
وانا صرت شابه مليحه وعليها الشباب بصاص
زي كل بنت في سني جالي فارس علشان يخطفني
على حصانه نطير لبعيد وطلب من اهلي يخطبني
وافقوا اهلي علشان طيبته مع انه معاه هيأخذني
لبلاد الغربه . وانا ماشيه كان اخويا حسين بيودعني
و زوجي كان راجل طيب لكنه في شغله صارم
وعلشان جهده في عمله لفينا كل بلاد العالم
لكن ما رجعنا لناسنا وانا خوفي عليهم كان عارم
يارب انقذ فلسطين من ايدي العدو الغاشم
في الغربه انا و زوجي تمر علينا السنين
وانا صرت ام كمان وصار عندي طفلين
وبشوقي لأرض سخنين اطلقت على بنتي حنين
ومن كثرة حبي لأخي . ولدي سميته حسين
وصرت اطمن عليكم بالهاتف او بالخطابات
اشواقي برسلها اليكم مسطوره في بضع كلمات
نفسي اعود يوم من تاني لأجل ما نحكي الذكريات
لكن سفارتهم الظالمه ما بتعطينا تأشيرات
الو يا أمي كيف اخبارك وكيف حال بلدي سخنين ؟
انا بخير يابنت عمري. كيف حال اولادك الحلوين ؟
مالك أمي حاسه صوتك مكسور ومن الهم حزين
ما في شئ... ديري بالك على نفسك يانني العين
لا في شئ خبريني ما بتقدري على التمثيل
حزنك باين من نبراتك . همك باين انه ثقيل
حاساكي مريضه يا امي حاسه بقلبك انه عليل
ليه سامعه حواليكي اصوات نحيب وصراخ وعويل
ااااااااااه يابنتي.اخوكي حسين استشهد بقاله اسبوع
شجرة اهلك الراسخه جذورها بتتقطع منها الفروع
قلبنا يصرخ من احزانه وعينينا بتذرف الدموع
بيتنا الهم بقى عنوانه وطفينا كل الشموع
اااااه ياحسين ياخويا ياغالي ما يكفي عليك نحيب
في الغربه جرحي بيتضاعف. في الغربه الوقت عصيب
قتلوك الكفره بسلاحهم . خلوك عن اهلك تغيب
القاك ياخويا في الجنه وانت مع نبينا الحبيب
يا حكام الوطن العربي ذنب شهدائنا في رقبتكم
اسمي هنيه
محمد عاطف
atif_elhady@hotmail.com