فى عيونى انت يا مصر

فى قلبى
مكانك من يوم ما شافت الدنيا
عيونى وعرفت اقول مصر
عرفت يعنى ايه مصر
امى وام الدنيا
ده انت غاليه عندى اوى يا مصر
اسمك مرسوم على جبينى
من يوم ما اتولدت
اسمك
بيجرى فى دمى وعروقى
ونيلك منه شربت
حبك فى قلبى كل يوم بيكبر
وخوفى عليكى مالى العين والقلب
كل فجر باصحى على صوت
الاذان بينادى
اقوم اجرى
اتوضى واصلى
وادعيلك
من قلبى ينصرك ربى ويحميكى
من كل شر
من قلبى باطلبها منك يا رب
احمى مصر
واكتبلها النصر
تطهر من كل عدو ليها
فى سينا وفى كل مكان فيها
الارهاب لازم عليه حنقضى
ده وباء وانتشر فى كل مكان فيها
مسلمين قالوا ... بيدافعوا
عن شرعيه
سلاحهم الارهاب وتخويف شعب
عمره ما بيخاف
خونه وعملاء تجار دم ودين
رئيسهم
خاين عميل متآمر
لاجل ما يفضل لمصر حاكم
تمن وقبضوا الخاين
باعك يا مصر بدم بارد
لكن ربك حماكى بولادك
وجيشك
وقفوا ليه وليهم
وكلمة الحق كان صوتها اعلى
من صوت الظلم
وديكتاوريه خنقت الشعب
ثار الشعب عليه رفضوه
ومن الحكم طردوه
نزعوا منه كرسى الحكم
اصل عمر الظلم ما يكون ليه عمر
خاين والخونه المشانق مصيرهم
والسجون فى انتظارهم
ما تخافيش يا مصر
ولادك رجاله وجيشك
ده خير اجناد الارض
واقفين صامدين وحالفين
يحققوا النصر
يرجعوكى من تانى مصر