أنا عاشق

متعشق في آلامي
وبأقلب في دفاتر أيامي
اسمع لسنين أوهامي
وأفتح بوابة عصياني
قلبي المسكين ونفاني
متغرب جوا كياني
صارخ في وجوه إيماني
إن الحب إحساس حياني
وإن الحزن لازال بيعاني
قلبي طيب كان
غرقان عاشق ولهان
حكموا عليه حكم شيطان
معدوم يعدم في ذات الآن
أنا مسجون جوا حيطان
أبواب ,, سور ,, كله سيان
فكرة بتكبر تسد عنينا
شمس بتقتل كل مافينا
حلم غايب وسط أيدينا
لا أنا عارف أنا مين ولا حالي
غايب ومغيب في كياني
لابس توب مش توبي
لا أنا فرحان ولا دي عيوني
ساكن في الفرحة إيجار
طردوني من غير إقرار
وبقيت بأتلطم في حواري
لا ده أنا ولا ده مكاني
حارة غربة وحارة حزن
واللون الشايع في منامي
إسودت من غير ما أتكلم
عايش أخرس متعلم
متكتف من غير مابأسلم
وبأعافر وأنا كلي بيتألم
أنا عاشق ومعشق ونفوني
متغرب جوا حواري عيوني
شايف الدنيا غريبة
ساعة فرحة وساعة عجيبة
لا أنا ساكت ولا أنا متكلم
عايش أقع وأقول بكرة أكون متعلم
وأتاري الفخ بقى غية
والحزن بقى لون أغنية
متمكن أنا في الحبكة
أكتب من غير تورية
وأتاريني بأخبي ألامي
لابس توب مش توبي
لا ده فرحي ولا دي عيوني
أتاريني بس متغرب ولاموني :