حكاية قلبي

أنا قلبي مليان دفا
كائن مخلوق من وفا
عايش ليالي صفا
وسط القلوب المنصفة
غايب وتايه في الألم
وسط الجحود والندم
أنا قلبي مليان خير
في زمن الشر كتير
والحب جوا مني غاب
لما القلب إتملي عذاب
والفرحة جوا مني تاهت
لما لمست بأيديها السراب
والحلم الساكن أيامي
بينازعني جوا منامي
بيقلب في مواجع أحزاني
ويتمشى ع نوبة عصياني
متمرد جايز أو ممكن
عايش جوايا ومدمن
مسجون جوايا الشوق
متلفلف حوليا الطوق
وكأني داير في حكاية
خطوط لابداية و لانهاية
بأتعشق جوا سكوني
متمرد جايز ولاموني
والقلب ياما شاف وما خاف
في بحور احزاني ونفوني
وفي قلب الموج ورموني
ولما صرخت غريق ,, دفنوني
وجمعوا مني بس رماد
جوا إزازة العمر وحبسوني
غايب ومغيب وسط حياة
وكأني بس بأعيش متألم
متغرب بأدفع تمن الوفا
سكرات الموت ع دفعات :(