انا زعلانة منك جدا...اولا لانك ماردتش على جوابى الاولانى هو ماوصلش ولا ايه؟؟؟؟ مع انى دفعت للراجل اللى بيشيل لك الكرسى ...ولا انت اللى مش فاضى ترد علينا...عموما انا عارفه مسئولياتك يا كبير انا بس كنت عايزة اطمن عليك شكلك النهاردة فى المحاكمة ماكانش عاجبانى فى حاجة ولا ايه ؟؟؟مكنتش بتضحك كده ولا مفرفش زى المرة اللى فاتت ...عين وصابتك انا عارفهم ولاد الايه استخسروا فيك الضحكة دا انت حتى ما كنتش قادر تتكلم ...لالا انا مش عايزة اشوفك كده مهزوم ومكسور قدامهم ..دا احنا عايشين بنفسك معانا يا كبير انا مش عارفه هما بيعملوا كده ليه ؟؟؟؟ كل ده علشان كام واحد ماتوا ؟؟كام يعنى الف ونص ..دا احنا 90 مليون مش نخف شوية وبعدين هى دى اول مرة هما مش فاكرين حادثة العبارة ولا حادثة قطار الصعيد وغيرهم وغيرهم ليه المرة دى مصممين؟؟؟ بس سيبك انت المهم انهم ما اكتشفوش كل الفلوس المهربة وكل الاراضى اللى راحت لحبابينا بالامر المباشر وكل اللعب اللى كان من تحت التربيزة وكويس ان حسين سالم ما حضرش المحاكمة وناوى يتصالح معاهم هو لما يديهم 75% من املاكه فى الداخل كده هيجى علينا ولا ايه ؟؟؟الراجل ده مش مطمنه له ربنا يستر ... ثانيا وده الاهم ازاى تعمل اول لقاء صحفى مع حد تانى غيرى يعنى انا كنت باعمل كل ده موبيلات تدخل السجن وجوابات تتبعت وترينجات بيضاء على حسابى لك وللاولاد ونضارات شمس وفى الاخر تضيع فرصة على زى دى ... فاتتك دى يا كبير انا بس كنت باقول الجار اولى بالشفعة وبعدين انا كنت هاظبط الكلام كويس ما انا يامه كتبتلك كلمات وخطابات ماحدش كان بيفهم منها حاجة حتى انا نجى عند المهم ونخلع ... انا هافوتها المرة دى بمزاجى بس ما تعملهاش تانى احسن وربنا ازعل يالله بقى علشان ماطولش عليك وابقى سلملى على عباس قصدى علاء وجمال....
