اتوبيس النقال العام

اتوبيس النقل العام وسط البشر عام
زودوه كام حته وبرضه وكله الزحام
يقف محطه ويسيب محطة
واهو وسط الطريق عوام
واوقات يلعب النطة
وينطح له فى السكة كام غلام
يا عينى على اللى راكبه يتبهدل قوام
حلبة مصارعة ومعركة تكسير العظام
قال والكمسارى حريص على اتمام النظام
وجنبه شوية مفاعيص شغالين بانجو وبرشام
فيه اللى تقول يا حفيظ استرها من ولاد الحرام
واللى عمال يهيص سرقه واجرام
واللى سايقه ابليس وحاضن فى المدام
واللى بتشحت بعيل لسه فى مرحلة الفطام
واللى شايل صندوق يبيع قلم وحجر وحزام
مولد وكل واحد له امام
واللى مش عاجبه ينزل ويركب تاكسى الغرام
لكن منين يدفع الاجره يا حرام
وعلشان يسلم من الاذية يركب الترام
لكن هى هى : هو اية اللى مفهوش زحام ؟
كله فقد الهوية حتى العقول مهوية
وان كنت راجل ولا وليه
قبل ما تركب الاتوبيس
خد معاك علبة دبابيس
واللى يقربلك شوكه
قبل ما ينزل فيك تفعيص
............