خدعوك فقالوا صنعتم ثورة

كلام في كلام أحلام تحملها الألم أين الثورة هل ضعت وسط الزحام
نزلنا التحرير نطالب بالتغير قالوا خونا ومندسين وقتلوا من الكثير
واللي مات مش شهيد حد قالوه يصطدم بالحديد
قولنا بلاش مبارك الماكر الكبير ولا عصابته من اكبر رتبه الى اصغر غفير
قالوا حاضر وجابوا شفيق عنه وزير وكمان عايز يعمل علينا الكبير
قولنا بلاش قانون طوارئ وأحكام عرفية قالوا حاضر وجابوا لنا الضبطية العسكرية
قولنا عايزين ريس قالوا تأمروا يا حلوين بس أوعى تتكلم بعد الشرعية
كده أنت مش ديمقراطي كده أنت إرهابي خطير
قولنا شعب فاق من غيبوبة سنين طلع العكس وهرجعنا في ظلمات وانين
اختارنا مجلس يمثلنا بإرادة شعب انحل وكانت فضيحة للملايين
وناس بتنكر من زمان أنى في ثورة مضادة والأمر وضح للعاميين
حريق بلطجة فوضى سلب ونهب طغيان وكمان براءة للمجرمين
وفى النهاية اللي هيتكلم هيكون سجين بس مش في منتزه طره ده بس للغاليين
لكن هينزل فى مكان لا احد يعلم به من سنين إلا من ذاق المرةمن شبه النظام البائد في عيون المصريين
اصرخ بأعلى صوت حلمي مش هيموت
مش هستسلم للطغيان مش هترك وطنى لجبان
لن أعيش فى وطنى وانا لا اشعر بأمان
أنا هفضل أطالب بالتغير نزلت التحرير او منزلتش هفضل أطالب بالتغير
اصرخ بأعلى صوت ثورتنا مش هتموت
هتقتلني يا عسكري زاي عفت و مينا هقولك رصاصك ده بيحينا
اصرخ بأعلى صوت حلمي مش هيموت