خدعوك فقالوا . أبو الفتوح

الجدع ده اخوان ودي تمثيلية من الآخر ؟
الراجل ده متلون علي كل لون يا بتسطه؟
هو ايه مصر القوية دي اللي واجعين دماغنا بيها؟
أكيد وعد السلفيين بحاجه عشان يدعمونه ؟
===
كل دي اسئله بتدور داخل ذهن كل شخص تنحي اختياره عن دكتور ابو الفتوح ؟
الراجل ده اخوان وده مسلسل عربي ؟
خليني معاك للآخر
1- اخوان ازاي وهو قدم استقالته عشان رشح نفسه والجماعه مكنتش قابلة الترشح في الوقت ده
2- كل اللي رشح دكتور أبو الفتوح تم فصله من الجماعه لأنه حاد عن سياسة المجموعه اللي هو بيعمل فيها
3- ليه الاخوان نزلوا مرشحين بدل واحد عشان يقدروا يكونوا اغلبيه برلمانية مع مشروع النهضة الذي لم يستطيعوا تنفيذه الا من خلال رئيس في هذه الفتره .
*الراجل ده متلون وكل التيارات معاه ؟
من المستحيل قطعا تلاقي الناس كلها متفقه علي شخص او علي شيء بعينه التيارات الثورية فقط هي من اتفقت علي دكتور عبد المنعم أبو الفتوح مع حزب ديني كبير وهو حزب النور وده شيء طبيعي جدا لانه تم تصويت علي الاغلبيه داخل الحزب وتم الاختيار بناءا علي شوي الدعوة السلفيه وطبيعي ايضا ان التيارات الثورية تتفق عليه لانه شارك اول يوم الثورة فلميدان وكان مؤمن بقدرات الشباب وكان بيشارك في المستشفي الميداني استمرارا بفترات المرحلة الانتقالية الملتهبه بالآونه الاخيره .
• ايه هو مصر القوية دي ؟
مشروع مصر القوية مشروع قومي وابقي بضحك عليك لو قلتلك انه هينفذه فأربع سنين مفيش مشروع من المشاريع اللي بجد مطروحه علي الساحة الان من مرشحي الثورة او المستقلين الا ولازم ليه علي الاقل مدتين رئاسه 8 سنوات عشان يقدر يبشر بخير أم لا .....
وهو مشروع ملك للجميع يجد فيه اليساري والاسلامي والسلفي والوسطي والعلماني والثوري نفسه فيه لا يحتكر لأي شخص ويضع مصر في الاولويه ضمن اول 20 دوله علي مستوي العالم في التعليم والصحه
ومشروع مصر القوية هو محاولة متميزة لتأسيس معالم الجمهورية الثانية على أهداف الثورة ودعائمها وهى الحرية والعدالة الاجتماعية والكرامة الإنسانية، فى محاولة جادة لترجمة أهداف الثورة فى مشروع انتخابى رئاسى يطرح نفسه على الناس ويأمل فى دعمهم له بقدر ما يعبر عنهم وعن روح الميادين التى انطلقت فيها هذه الشعارات.
• اكيد وعد السلفيين بحاجه .؟
دكتور عبد المنعم أبو الفتوح مشروعه من البداية واضح جدا ومع تصريحات المتحدث الرسمي بإسم حزب النور نادر بكار في قناة التحرير قائلا انه من ضمن المرشحين الذين رفضوا تقديم أي دعم للحزب كنائب رئيس او ميزة خلال فوزه بالرئاسة ... وكان مشروع تطبيق الشريعه بشكل تدريجي هدف من اهداف مشروع مصر القوية حيث يكفل الحياة الكريمه والتعليم والصحه ...الخ ثم يضع الشريعة قصد وهدف لكل مصري منه لنفسه لانه شعب يحب التدين والالتزام فقط يحتاج الي الاقناع والاقدام وتوفير حياة كريمه تجعله يكره السلبيات والفساد الذي طال المجتمع الاسلامي خلال الفتره السابقه وحماية حق الاقليات في المجتمع حسب معتقداتهم فكلنا سواء امام القانون ..
–
هو ده اللي انا هنتخبه مش معاه خلطة سحريه بس معاه وحده صف ممكن يكون مش مكتمل لكن هيكتمل بالشباب والعمل الجاد والتحدي وعدم المساس بكرامة مصري داخل مصر اولا .
لن اطلب منك انتخابه قبل ان اطلب منك ان تقتنع اولا .... واستند هنا لحديث الله عز وجل وسيدنا ابراهيم في قول الله سبحانه وتعالي * قَالَ أَوَلَمْ تُؤْمِن قَالَ بَلَى وَلَكِن. ليطمئن قلبي*صدق الله العظيم
مع انه متأكدا مما يقول وعلي الفارق نحن بالفعل في مرحلة لا نعلم الجيد من الخبيث فعليك ان تبحث ولا يوجد من هو كاملا دون عيوب ولكن ابحث عن الذي سيجمع الصفات اللينه والقوية والهدوء والصلابه والمشروع الذي سيرضي الجميع ليس انت وحسب .....هل انت مطمئن اليه ؟
بقلم : ايمان سالم محمد