يا غربة بلدي ما تفوقي

سنين موال بتعدي ... وأنا دايس
ودايق المر من توبي ... وأنا عايش
جاهل فى دنيا الحر .. وأنا دارس
وشايف موتي ما بين عيني .. وأنا عايش
يا غربة بلدي ما تقولي
مين فينا إللي .... دآق المر
وجوه ضلوعه ... شاف الذل
سنين سواح ما رسيت ف يوم على بر
يا غربة بلدي ما تقولي منين الحل
أنا إللي قتلت فرحتي بيدي
ولصقوا الصمغ على بوقي
وبلاد تشيل وبلاد تدي
وتاه فكري وداب ودي
يا غربة بلدي ما تقولِ
أنا إللي بنيت الهرم دا
من طينك
وأنا إللي صنعت النصر دا
في يوم عيدك
وأنا إللي شيلت علي حدودك
السلاح
وأنا إللي بنيتك وأنا إللي
هكمل الكفاح
يا غربة بلدي كفاياكِ
أنا إللي رفعتك لسماكِ
ومين فينا إللي رماكِ
دأنا إللي عايش جواكِ
وعارف مين فينا إللي آذاكِ
يا غربة بلدي كفاياكِ
دا أنا إللي رسمت ضحكتك
علي يدي
وعلشانك سآلت دمعتي
على خدي
وأنا إللي عملت من نيلك
سقاوي
علشان تزيح المر وداوي
يا غربة بلدي م تفوقي
كل إللي طالبة من سعتك
إنك تفوقي
كل إللي طالبة من جنابك
أنك تروقِ "
ولا تسبيهم ......... يقتلوكِ
أصلي إللي باعك دول ناس
خانوكِ
قتلوا ولآدك ...... وشردوكِ
يا غربة فوقي