طينك تربتى

يا بلدى أنا ابن جيل
بعشق ترابك ونيلك
وبرغم سنين الرحيل
حلمى الوحيد إنى أجيلك
أجيلك أرد الجميل
أحاول أشيل عنك
وقولك أنا نبت أصيل
لحظة ما أبوسك وضمك
يا بلدى يا فيتانى فى وحدتى
عارف على عنيك غربتى
ما تزعليش أنا كاتب وصيتى
يكون فى طينك تربتى
يا بلدى خدى عمرى ورضى
ومش كفاية مهما أدى
دا كفاية أن أرضك هى أرضى
وطول عمرك بتصونى عرضى
يا بلدى ما تزعليش من حبة وشوش
زرعوا فيكى الفساد
دول مش بشر دول حبة وحوش
والزرعه ليهم حصاد
بكره يدفعوا التمن
والبقاء ليكى يا أمى
ها يجور عليهم الزمن
ويتمنوا تواسى وضمى
وأسمعى منى توبى بقى
عن عطاءك وعن حنانك
اسمعى منى كفاية شقا
وبيعى اللى باعك وبيعى واللى خانك