أصبحت احب الفتنه واكره الحق

اصبحت أحب الفتنة وأكره الحق واصلى بغير وضوء ولى فى الأرض ما ليس لله فى السماء
وكنت قاعد فى حالى بشرب قهوتي وجاء اليا .. حد صديقى من أعتدت على لقائه وقالى السلام عليكم فرديت التحيه فقال كيف حالك
فقلت حالى كحالك .. قالى ازاى انا مفيش حد زىى .. قلت يعنى أصبحت أحب الفتنه وأكره الحق واصلى بغير وضوء ولى فى الأرض ماليس لله فى السماء .. فقام سايبنى وماشى من غير ما يقول اى حاجه نديت عليه مردش انا كملت قهوتى وخرجت أكمل شغلى وبعدها بيومين قابلت نفس الزميل فى نفس المكان فدخل ولم يلقى عليا السلام فرحت انا سلمت عليه وقلته انت زعلان منى فى حاجه ؟؟
فرد ويبدو على ملامحة الضيق والضجر يااستاذنا انا بحترمك بس انت قلت كلام آخر مره قعدنا مع بعض معجبنيش فتذكرت فقاطعته ... وانت سبتنى ومشيت من غير سلام ولا كلام ونديت عليك ومردتش ..
قالى انت شفتنى فين يااستاذ عصمت انى بصلى بغير وضوء وهو متضايق كدا المهم انا ابتسمت لأنه مفتكرش غير الكلمه دى بس وهيا اللى مضايقاه .. فقلته استنى بس ياستاذنا وصلى على النبى كدا واهدى انت حبيبى .. فقال عليه الصلاه وأفضل السلام ياسيدى ، ، فقلتله انت متوضى .. قالى تانى انا هقوم أمشى قلتله والله جد انا مش بهزر قالى لأ فقلته مع انك صليت على النبى أهو .... ما علينا !!
تشرب ايه قالى قهوة ساده فطلبت القهوه الساده للسيادة
قلته انا عارف ان ربنا رزقك بأولاد قالى الحمد لله بس دا مش موضوعنا .. !!
فقلت لا دا هو دا موضوعنا والله انا هيرحك .. والحمد لله انا عارف ان دخلك كويس قال الحمد لله مستوره
قلته طبعا بتحب اولادك وبتحب تعيش مرتاح ماديا ؟؟ قال مش عايزه سؤال
وهو مضايق لأنه حاسس انى بتكلم بعيد عن الموضوع
فقتله أليست أموالكم وأولادكم فتنه
لأن ربنا قال "وَاعْلَمُوا أَنَّمَا أَمْوَالُكُمْ وَأَوْلادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ "
هدى كدا وقال ونعم بالله .. قتله تمام يعنى طلعت بتحب الفتنه أهو
وانا مقلتش حاجه غلط .. فضحك بصوت عالى أوى
فقلته ايوه اضحك كدا دا انا زعلت عليك دى الحياه حلوه للى بيعشها وضحكنا سوا
وهو بيقول اكيد .. فقلته بس انت بتكره الموت قالى وايه اللى جاب سيره الموت دلوقتى فقلته انت مش عارف ان الموت هو الحق قالى عارف قتلته مع انك بتكرهه .. .. فاستغرب كدا وسكت شويه فقلتله .. اشرب القهوه
وبيشرب القهوه وسرح شويه زى ما أكون فكرته بحاجه كان نسيها أو افتكر حاجه مهمه فقطعت صمته قلتله الموت حق وانت طلعت بتكره الحق زيك زى كتير من الناس
فسكت شويه وقال والله عندك حق ربنا يعافينا ويعافيك ويرحمنا جميعا برحمته الواسعه
كل ما عليها فان ويبقى وجهه ربك زو الجلال والإكرام قلت ونعم بالله
قلتله عارف ليه اناقلت لك ان لك فى الأرض ما ليس لله فى السماء قالى ليه ..؟؟؟ قلته عشان انت عندك زوجه وأولاد وربنا واحد أحد فرض صمد لم يلد ولم يولد ولم يكن له كفوا أحد" فقالى ياخى والله مش عارف اقولك ايه انا كنت مش هكلمك تانى وقلت انت ملحد ولعيازوبللله وفضل يضحك بصوت عالى ومبسوط
فأنا هزرت معاه وقلتله ازاى ياستاذنا تفهمنى غلط كدا وتزعل منى من غير حتى ما تناقشنى ولا تفهم قصدي وانت محامى قد الدنيا كدا ودا ومن صميم شغل المحامى وهو قراءه ما بين السطور والبحث عن بواطن الأمور وليس الظاهر
فضحك وقالى لا فى دى عندك حق قتلته فى دى بس ما علينا اقولك بقى الكبيره قالى خير
الكلام اللى انا قلتهولك دا كله .. متقلهوش لحد غيرى قال ليه قتله عشان انت طلعت بتحب الفتنه وبتكره الحق وكمان بتصلى من غير وضوء ولك فى الأرض ما ليس لله فى السماء .. وهذه هي الحياة الدنيا، لعب ولهو، تلعب بها الأبدان وتلهو بها القلوب، وزينة نتزين بها، وتفاخر بيننا بمتاعها، وتكاثر بالعدد في الأموال والأولاد، مثلها كمثل مطر أعجب الزُّرَّاع نباته، ثم يهيج هذا النبات فييبس، فتراه مصفرًا بعد خضرته، ثم يكون فُتاتًا يابسًا متهشمًا، فهي سرعان ما تنقطع وتزول، وما هي إلا متاع الغرور..
وحب فتنه الدنيا (المال والبنون) وكرهك للموت مع أنه حقيقة كمان انك عارف ان ربنا رزقك بالمال والأولاد وفضلك عن كثير من خلقه ووهبك العقل اللى تقدر تميز بيه بين الخير والشر والقلب الذى يفتيك من غير واعظ .. كون أن انت مش عارف الحاجات دى تبقى فى بلاء من الله .. واذا بليتم فاستتروا .. كتب عصمت فتحى