شباب مصر ترصد اهم ماقيل وكتب عن 11/11..ووعى الشعب المصرى 10/10

اسحاق يوسف فرج
مرت دعوات التظاهر 11/11 المزعومه والمسماه بثورة الغلابه مرور الكرام وفى جولة شباب مصر لاهم ما كتب من تعليقات ساخره وتعليقات الوسط الفنى والاعلاميين ونشطاء مواقع التواصل الاجتماعى والمواقع الاليكترونيه والقنوات الفضائيه الشخصيات البارزه فرصدت شباب مصر ابرز تلك التعليقات فكان لنا هذا التقرير التالى//
والفنان صلاح عبدالله
ياللى الكلام لعبتك ومفيش مكلمه تفوتك
عصرت لامون حضرتك ودوشتنا بصوتك
وادى النهارده ثورتك كتبت عليك موتك
اسكت بقى واختشى ونقطنا بسكوتك ... ص.ع11/11/2016
*************************************
واحدى تعلقات الفيس بوك //اموت واعرف اللى بيتصلوا على الجزيره وبيعيطوا انهم ما عهمش تمن رغيف العيش بيدفعوا المكالمه الدولى منين؟؟
*************************************
وسخر احدهم قائلا //طب منظركم ايه قدام ارهابيين العلم وانتوا بتقولوا حاجه ومش قدها كده؟؟
***************************************
بيقولك هينزلوا الجمعه الجايه تحت شعار انزلوا يا اولاد ال..تييييييييت..شكلنا بقى مسخره
*********************************************
وقد تصدرت صفحات الفيس بوك اهم تعليق ساخر // اتبرع لو بجنيه لمستشفى 1111لعلاج شلل الاخوان
*********************************************
وفى لفتة جريئه وجميله المشير طنطاوى فى ميدان التحرير مطمئنا ((ما تخافوش ربنا كريم ومش ها يسبكم))
***************************************
وقد علق احدهم //بيقولك بتوع 11/11 اجلوها ل13/13
***************************************
والثوره هنجت//طب اقفلوا الثوره وافتحوها تانى يمكن تشتغل
***************************************
الاخوان عاملين ثوره على الضيق ما عزموش حد
*************************************
وعلق احد ارباب الاسر قائلا//يعنى ينفع كده نجيب اللب والسودانى وفى الاخر تطلع (ثوره فشنك)
***********************************
والى الوظائف الخاليه واعلان //تعلن جماعة الاخوان عن حاجتها لمتظاهرين محترفيين خبره من 28 يناير يجيدون عمليات النهب والسرقه والقتل واحتراف الكذب على قناة الجزيره من خريجى جامعات البلطجه وكلية الاتجار بالدين ..وذلك برواتب وحوافز 200 جنيه وبرشامه ترامادول ووجبه من كنتاكى ..
***************************************
والى الاعلامى تامر امين برنامج الحياه اليوم مساء الجمعه حيث علق قائلا// عليا الطلاق بالتلاته الشعب ده عنده وعى كبير
***************************************
ما حدش يعرف الثوره ها تتعاد على انهى قناه والساعه كام احسن انا قمت متأخر وما لحقتش الثوره
************************************
مذيعه/هى فين ثورة الغلابه مش موجوده ولا ايه انهرده محدش شافها يعنى
اخوانى /لا طبعا موجوده حضرتك لكن لا يراها الا المؤمنون
***************************************
متظاهر/الظاهر اننا نزلنا فى وقت غير مناسب
**********************************
قناة الجزيره//مليارات فى جميع المجرات والكواكب للمطالبه بعودة الشرعيه
********************************
كابتن لطيف يحيكم//واحد يقولى هى المظاهرات مش متذاعه ليه؟
اقوله الجزيره واخداها حصرى
***********************************
والشيخ مظهر شاهين امام وخطيب مسجد عمر مكرم معلقا //11/11 ها نسميه عيدا للفراغ وذلك خلال مداخله مع برنامج خط احمر على فضائيه الحدث اليوم مساء الجمعه
*************************************
والناس ثورتها سبت وحد وانتوا ثورتكم مفيهاش حد
***********************************
واللى مخبى المليونيه يطلعها لو سمحتوا عيب كده
***********************************
والى دريم بارك واشتباكات عنيفه بمسدسات المياه بين المتظاهرين فى دريم بارك والامن يناشد المتظاهرين بضبط النفس
هذا فيما سخر نشطاء على مواقع التواصل الاجتماعى الشوارع خاليه فى 11/11 وثوره فى دريم بارك
ودريم بارك توجه الشكر للذين حضروا((وده بجد مش هزار))
***********************************************
والاخوانيه ايات عرابى فى تسجيل فيديو وتتحدث وهى واهمه // الثوره لم تمت...الاخوان مش مصدقين فشل الثوره
*****************************************
تعالى وانا ها جوزك هنومه ..... زياده فى طلب المصحات النفسيه من جماعة الاخوان بعد فشل 11/11
*************************************************
والفنانه رانيا محمود ياسين على مظاهرات 11/11 قائله ولا فى 11/11 ولا 13/13
وجماعة الاخوان انتهت للابد
*************************************
يمكن كان قصدهم 11/11/2017
************************************
والى السيد //امل عبد الوهاب القيادى الجهادى السابق //ان جماعة الاخوان الارهابيه وجميع التيارات المدنيه المموله من الغرب كتبوا شهادة وفاتهم فى 11/11
***************************************
والفنان طلعت زكريا ساخرا من دعوات الاخوان على قناة الحدث اليوم الاخوان دول عالم مجانين وانا لو منهم احط دماغى فى الرمل
***************************************
يا جدعان انا ها نام شويه بس لو عرفت انكم عملتوا ثوره هزعل اوى
***************************************
والى الكاتب الصحفى الكبير مكرم محمد احمد نقيب الصحفيين الاسبق //ان المصريين تأكدوا بصورة قاطعه انهم يعرفون طريق الفوضى وما قد تؤدى اليه وانهم راغبون فى الحفاظ على دولتهم وأن الاجراءات الاصلاحيه دواء مر لابد منه //وذلك فى حواره ببرنامح الحياه اليوم على فضائية الحياه
***************************************
البلد جابت رجاله رفضوا نبح الكلاب لاسقاط الوطن رفضوا سقوطها فى خندق الفوضى
**********************************
والفنان نبيل الحلفوى ساخرا //الامم المتحده تعلن مصر خاليه من الغلابه
واضاف فى تغريدة ثانيه //طب بجد بقى مصر ما فيهاش غلابه فيها فقراء وكتير كمان بس فقرا جدعان مش غلابه وعارفين امتى يستحملوا وامتى ينزلوا
***************************************
وفى تغريده له قال الاعلامى يوسف الحسينى قولنا من بدرى 11/11 فنكوش وسلم لى على الثوره
***************************************
واحمد بدوى عضو مجلس النواب عن دائرة طوخ وقها ووكيل لجنة الاتصالات وتكنولوجيا المعلومات فى تصريح له لاحد المواقع الاليكترونيه
لازم نشيل المواطن البسيط على راسنا بعد ما رفض دعوات الاخوان التخريبيه
***************************************
فيما صرح عاطف امين رئيس التحالف المصرى //ان عدم الاستجابه لدعوات 11/11 يعتبر ضربه قاضيه وقاسمه للاخوان ودليل قاطع على ان اجماعه لم يعد لها وجود فى مصر
************************************
والى نتيجة امتحان 11/11
تأثير السوشيال ميديا صفر
تأثير التوك شو صفر
تأثير الجزيره وشبيهاتها صفر
تأثير كتائب المواصلات صفر
تاثير جماعة الكوله صفر
تاثير فلوس قطر صفر
تأثير مخابرات تركيا صفر
تاثير العم اوباما والحبزبونه كيلنتون صفر
وعى الشعب المصرى 10/10
************************************
والختام فيما علق الكاتب الصحفى الدكتور/// احمد عبد الهادى ...رئيس تحرير جريدة شباب مصر ورئيس حزب شباب مصر على فيس بوك على صفحته الخاصه //انا والاولاد الان فى شوارع العاصمه ..روعه القاهره عادت لايام الثلاثيتيات مفيش ثوره تانى؟؟
***************************************
ونلتقى 12/12 مع تحيات 11/11
****************************
تقرير اعده وكتبه// اسحاق يوسف فرج