وحشتني !!

هويدا خليل
مالناش الا بعض ..... وكان فى يوم ما بينا الف وعد
وتفرقنا السنين برجع احن تانى اليك
ساعات بندم على كل اللى فات ..... افتكر يا حبيبى احلى الذكريات
وانا اسعد انسانة بين ايديك
وياخدنى الحنين لنظرة شوق .... فى لحظة اتوة وفجاءة افوق
على صوتك ينادينى باسمى اجرى عليك
ملهوفة على ضمة بين احضانك .... مشتاقة لحبك وجنونك وغيرتك وحنانك
وكل بصة بشوفها من جمال سحر عنيك
جايز ببالغ فى حبك كتير ..... واعمل اية ما قلبى مسجون اسير
واسمع نبرة صوتك حوالينا بتهامسنى
يا حبيبى تعالى كفاية طول البعاد .... فى فراقك عشقى جوايا تعبنى وزاد
بدونك انا شىء كبير حقيقى ناقصنى
ما انت اللى ليا فى الدنيا ديا ...... وهواك ساكن فؤادى وفيا
ومن غيرك انت بكل مشاعر الحب حاسسنى
بكلمة منك تدوب حزنى وانينى ......ويمر العمر منى ولا احسب سنينى
يالى من احساسى قريب تحتوينى ولامسنى
فوق احتمالى اخبى سلامى ..... وانت قصادى بتموت احلامى
وكفاية اقولك انك وحشنى وحشنى وحشنى وحشنى