رساله الى الي القائد

كلنا مصريين وكلنا بنحب بلدنا واتحدى أي لو قالوا مصر محتاجانا علشان نحارب كلنا هنطلع ونشارك ونفدى البلد بروحنا ،بس لما تلاقى اعلام بيقول البلد حالتها صعبة ،ولازم نضحى ونستحمل ،وفى نفس الوقت تلاقى ملايين بتتنهب من مسؤولين ووزراء ،وفساد مالي البلد ،، ومفيش حد بيتحاسب ،، والقانون يطبق على الغلبان بعنف ،ويتهاون مع الكبار ،،دا ظلم وما يرضيش حد ،،لما اعلاميين بياخدوا ملايين علشان يمدحوا في النظام ،،وفى نفس الوقت المواطن البسيط مش لاقى ياكل ،،دا ظلم ،،لما تلاقى ناس عندها عشم في حد والحد دا يزيد الطين بله يبقى احباط وظلم ،،لما تلاقى الظروف الاقتصادية في الأسوأ والاسعار تزيد الوحيد اللي بتحط على دماغه المواطن البسيط اللي مش لاقى ياكل ،،دا ظلم ،، أيها القائد ناس كتير كان عشمها انك تعمل زي عبد الناصر وتنزل قرار ياخد من الغنى ويدى الفقير ،،زي عبد الناصر لما قسم الأراضي على الفلاحين البسطاء وخدها من الاغنياء ولحد دلوقتى الناس بتدعيلة ،،بس للأسف حالياً حال البسطاء هو من يدنوا في الارض ،،أيها القائد في ناس كل حلمها انها تعدى يومها بالعافية بهمتك معاها بس للأسف همتك من كتر السرقة من المسؤولين الى تحتك مش بتوصلهم ،،لما اروح اعمل فيش وانا من بعيد ويقولى تعالى خدة بكرة ،،في نفس الوقت اليي غيرى بيدفع عشرة جنية زيادة ياخدوا فى نفس اللحظة ،،دا ظلم ،،لما أقدم فى مسابقة وانا الاحق بيها والاقينى مستبعد منها بسبب تدخل الواسطة والمحسوبية للي اقل منى يبقى دا ظلم ،، لما امين الشرطة أو المخبر يفترى عليا علشان أديلة رشوة وانا ممعييش وماالاقيش حد يجبلى حقي دا ظلم ،،لما اروح المستشفى وما الاقيش علاجى ويقولى ادفع وهاتة من برة و فى نفس الوقت اللي بيديه لغيرى لانة بيدفع بقشيش داظلم ،،لما اتكلم عن حقي او انتقد حد مسؤول يقولوا عليا خاين او عميل دا ظلم ،،لما الاقى غيرى معاه محو امية وشغال فى شركة بترول بالواسطة وانا معايا بكارليوس ومش لاقى اى شغل فى أي مكان دا ظلم ،،لما الاقى حفى ضايع فى البلد وما ليش اى لازمة فى بلدي يبقى انتا مقصر فى حقي لأنك انتا اللي مسؤول عن كل مسؤول في الدولة ...........مواطن مصري ،،مش منافق ،،وبيحب بلدة .........