احنا مين

هو احنا مين وبقينا فين . احنا الشيطان المليان بفساد وحقد علشان غلط
ومكمل في غلطه . ولا احنا ادم اللي اتلسع من الغلط وتاب لربه ونفسه
كل الناس تمشي عدل . بصراحه وبكل وضوح احنا نسينا الصح فين
عشان احنا بعيد اووي . بعيد عن كل رأي حر نفسه البلد تمشي سليم .
بعيد عن قلب ام اتحرق عشان بيتها بقي فيه شهيد . بعيد عن شاب تاه
وسط الزحام نفسه يلاقي حلمه بيتولد من جديد . بعيد عن بنت عايزه ان
الحياه تكون بسيطه وتلاقي ذاتها وسط البشر . بعيد عن الغلابه
المطحونين وسط قلوب زي الحجر . بعيد عن طفل ملقاش غير حضن
شارع يرمي فيه حلمه ويدوس عليه . بعيد عن شحاتين وعن صبايا ماتوا
من الالم ومن الانين . هما فين ؟ . اللي ماتت قلوبهم ومش حاسين
بالمهمومين . واللي فاكر نفسه نجم لامع في السما بيقيد ينور . واللي
فاكره نفسها بقت كل حاجه دي من بره منظر . واللي رامي نفسه في
حضن الشيطان بفلوس حرام وهو فاكر نفسه بيه . طب قولي ليه ؟ او
بس قولي احنا مين . احنا الناس المغيبين . احنا جرح لأمه ماتت من
سنين . احنا بير شاف يوسف بيتظلم من اللاف السنين . طب ليه ساكتين
عن كل حاجه شايفينها بايظه . وليه بعيد وبلادنا عايزه . عايزه الرجال
في صوره جبال . عايزه الطموح في عيون شبابها . عايزه العقول تفهم تنور .
عايزه الشوارع زي البيوت . عايزه البنات تمشي بأمان زي زمان .
طب ليه الامان راح من زمنا . زمن الفساد والمحسوبيه . زمن اللي
قلوبهم بقت قويه . زمن وجاهه واعلام مضلل . اعلام مضلل نسانا روحنا
ونسينا بجد احنا مين .
محمود سعد