يا مصر يا حلوة .. لفين المسار

يا مصر يا حلوة يا أغلى الديار
قوليلى يا حلوة لفين المسار
ولادك خدوكى
فى بحر رموكى
موجه صعب عالى ... وماله قرار
****
سفينة وتايهه ..بدون الرادار
ولا بوصلة ترشد.. لخط المسار
ولا ربان بعلمه
وقوة شكيمته
عشان السلامة ..بيعطى القرار
****
وناس فى السفينة.. عددهم كتار
ولا همّ ليهم ..سوى الإفتخار
وطرح المطالب
لأجل المكاسب
وإشعال حرايق.. طوال النهار
****
ياخوفى عليكى .. ياأحلى الديار
تعودى لهمومك.. ولعب الصغار
وتزداد جروحك
وحزنك ونوحك
وتنساب دمائك.. يوم الإنفجار*
........
هل إقتربنا من هذا اليوم؟؟؟؟ رحمتك يارب