اول حاجة بتحصلك في حياتك شبه بتموتك اول ضعف حسيته قدام حب كان سره قوتك اول غلطة عملتها هي الي صححتك اول كدبة كدبتها كان وراها سر بيضعفك اول حلم حلمته كان منه شخصيتك اهي اول حاجة في اي حاجة ليها احساس لوحده لو قلت احساس الوجع و الفراق هتلاقي وراه حب و عناء ياما اتكسرت سابوك كتير باعوك سنين خلوك حزين عايش من جواك وحيد شوف كام مرة بكيت ماهو ياما كتير ضحيت و يوم ما ينزل دمعك يقولوك بس يا عبيط اهي اول كسرة دي ليها طعم تاني في الاول بتقول انا عمري ما هنسى احزاني يحصلك مرة و اتنين و كمان خمسين و فجأة هتقول ماهو ده اللي قواني اتعودت على الفراق صدق الناس بقى نفاق بقيت تتمنى البكا يمكن يخفف عليك من كتر الجفى الدمع نشف في عنيك مش عارف تلوم مين ولا مين ما هم اصلهم في الاول كانوا طيبين بس طيبتهم اديتك ألمين مش عارف حتى تبقى حزين و كنت زمان حساس و هيجي يوم تفقد الاحساس رحت مشيت سافرت و جيت شفت عاشرت سهرت حكيت هتبعد مهما تعند هايجي وقت و تنسى اللي راح مهما زعلت ثورت بكيت هيجي يوم من كتر الهم تحس ان انت اللي جنيت ما انت ياما شكيت و بكيت لناس و قالوا عليك اصل انت اللي حساس وصلوك من كتر القسوة انك فقدت الاحساس.