لفت نظرى كل ما اروح اى دور عرض سينمائى هذا الكم الكبير من الافلام الاجنبى اللى أفيشاتها مغطيه الجدران وبرضه فى التى فى لو فيه فيلم أجنبى نزل مصر لازم يتسوق ليه كويس اوى وسألت نفسى سؤال لو انا سافرت مره بره مصر وروحت سينما هلاقى الاهتمام ده بأفلامنا او لو اتعرض فيلم عربى او مصرى هناك هيعملوا ليه دعايا فى قنواتهم طبعا الرد كان صعب لأنى ما سافرتش ولا شوفت بس ليا صديقه جزائريه مقيمه بكندا تدعى ايميلى سألتها وقالتلى انها تعشق الافلام العربي عامه وافلام عز خاصه سألتها انتى بتشوفى افلامه ازاى قالتلى 90%فيس ويوتيوب و10% تى فى طيب والسينما قالتلى هنا بيتعرض افلام عربى زى مصر بس لو ما دورتيش وبحثتى عمرك ما هتلاقيها وده معناه سوء دعايا للفيلم هناك وعدم اهتمام مع ان افلامنا تستحق ده مش كل الافلام اكيد يجب ان تعرض خارجا بالرغم ان كل أفلامهم حتى لو تافهه بتتعرض هنا وتتقارن بافلامنا ومجرد المقارنه هوب تلاقى عقده الخواجه ظهرت واحنا فين وهم فين بالرغم انى شايفه ان فيلم المصلحه كان رائع وفرحت لما نزل فى دور العرض الامريكيه رغم زعلى انه كان يعرض فقط للجاليات العربيه هناك طيب ليه ما يتعملش الدعايا اللازمه لتسويق الفيلم وصناعه جمهور غير مصرى لنجوم عندهم الموهبه والكفاءه لده فيلم المصلحه وبدل فاقد لأحمد عز كانوا رائعين فيلم الجزيره وابن القنصل للسقا فيلم الفيل الازرق لكريم عبد العزيز احنا عندنا النجوم والمنتجين والمخرجين والمؤلفين ما الذى ينقصنا لصناعه سينما حقيقيه داخل مصر وجمهور من جميع الجنسيات خارج مصر من المسئول والى متى سوف نعانى من سوء حال السينما وصناعتها داخل البلد بسبب الظروف التى تمر بيها بعد الثوره وبسبب قراصنه النت الذين قضوا على أى فيلم مهما كان درجه نجاحه بعرضه تانى يوم مسروق على النت يجب وقفه حقيقيه لرجوع صناعه السينما المصريه نحن نملك كل شىء وايضا لا نملك اى شىء نملك الفنانين والمخرجين والمنتجين الشرفاء الذين يحترمون كلمه فن ولا نملك الضمير ونسرق الفيلم تانى يوم عرضه ولا نملك الثقه اننا نستطيع التفوق على الخارج ولا نملك الايمان بجائزه الاوسكار يحملها فيلم مصرى داخل هذا البلد نحن نستطيع ان نصل فقط نحتاج العمل على هذا
