كل يوم فيه أعتراض

كل يوم فيه إعتراض والصوت بيعلي
وكل يوم باشوف بعيني كل شئ عمال بيغلي
غلاء صناعي ومفيش مبرر للغلا
والعيشه صعبه وبهدله ومالهوش معني
المواطن ما بقاش مواطن إحنا إتخدعنا
والظاهرغيراللي باطن مين اللي باعنا
باعوا أصولنا باعوا عقولنا
وحاسس إن بيتنا ما بقاش بتاعنا
بندبح الف مره و كل يوم
بنندبح بيغلى دمى مبقاش ف نوم
حاسس انى بقيت مهزوم
متكتف مخنوء مهموم
ومين هيقدريشيل الصوراللى فخيالى
مش هقدر اكذ ب ولا وازور
لازم أشرح التاريخ قدام عيالى
ولا صورالاطفال المغدورين
أللى اندبحوا على أرضك يا فلسطين
ولانكبة ثمانيه وأربعين
وليه غزه فيها حصار
وليه شعبها بينضرب بأسلحة الدمار
وليه مجلس الامن معرفش ياخد قرار
كان لازم اقولهم مين هى أسرائيل
وأيه هو حلمهاالكبير
وليه طمعانا ف وادى النيل
وايه هو ألأحتلال و الاستعمار
وللأسف حسيت أن أبنى منى أنكسف
أنكشف ميعرفش حاجه ف التاريخ حمار