موقف من طفل

* كريم عمران
لفت نظرى من كام يوم وانا ماشى طفل صغير ماشى مع باباه .. وتحس كدا ان الطفل ده مش زى اى طفل ... لاقيت باباه بيقوله
- مش عايز اجبلك حاجة ياحبيبى
رد الطفل على باباه ازهلنى جدا ... مع انه عنده حوالى 5 او 6 سنين بالكتير الا انه قال لباباه
- لاء يابابا.... كفايا عليك بتصرف على الاكل و الشرب ... ده الاوطة ( الطماطم ) بقيت ب 7 جنيه .... هتصرف علينا منين ... ومع كل ده ماما مش عتقاك .... يبقى انا اخلى عندى دم .... مش تبقى ماما والحكومة عليك وانا كمان ..... مش انا راجل يبقى لازم اقف جمبك
ده كان رد الطفل على باباه .... بس الاغرب رد فعل الاب .... حسيت ان دموعه هتنزل .... مع ان اى اب مكانه كان هيضحك ويقول شوف الواد العفريت بيقول ايه .... انما هو حس بكارثة من كلام ابنه .. حس ان الطفل ده اللى مكملش 6 سنين حاسس بهم الدنيا اللى موجود .... وانه شايله جواه وهو لسا حتى مادخلش مدرسة ..... يعنى حاسس بكل اللى مستنيه لما يكبر .... حاسس بالمأساه اللى احنا فيها .....فما بالكم بقى لما طفل فى السن ده يشيل الهم ده كله .... ياترى مين السبب فى ده ؟؟؟؟؟
ويقولوا اتجوزو وخلفوا .... نتجوز عشان نجيب عيال تتبهدل ومنقدرش نراعيهم طب ليه .... كدا حلو اوى
ربنا يحمى الطفل ده ... ويستر علينا وعلى ولادنا