عفوااااااااا فأنا لست متاحة للجميع

اكيد انا مش فودافون ..
ولا اتصالات ... ولا موبينيل
لا ..انا اسمى من كده بكتير
ربى خلقنى .. بعقل منير
ولنفسى عليا ..حق كبير
اولها ..انى اصونها
واخرها ..انى اسملها لانسان عنده ضمير ..
لانسان واحد .. لشخص واحد
مش لالف ..ولا مية .. ولا ثلاثين
انسان واحد يقدرانى اخترته من وسط ملايين
ده على اساس ان العرسان طوابير ..
احساس رائع وفوق الخيال
حقيقى احساس اول مرة ليه طعم تانى ..
استنى استنى احساس ايه واول مرة ايه!!!!!!!!!!!
احساس انى اكون لشخص واحد بس
احساس انى ربى خلقنى جوهرة... معززة ...مكرمة ..
احساس انى لما اجرب كل حاجة معاه هوه وبس
هيكون ليها طعم تانى ..
احساس الايمان واليقين ان ربى فى ضعفى قوانى
احساس انى اشوف الحياة بعينه هوه...
ان قلبى لما يدق يدق بسسس .. باسمه هوه
ان لو خيرونى بين الف واحد...
تلاقيينى اختاره برضه هوه ..
ان اى اسم تانى ... بيتحول لاسمه هوه ..
هو.. هومين !!!!!
نصيبى... اللى ربنا كاتب عنده
انى مش هكون لحد غيره هوه
اللى مهما روحت ومهما جيت
هفضل شايلة اسمه هوه
اللى هيصونى ويحافظ عليا...
اللى هيعيش حياته على نهج ربه.. بس ليا ..
اللى هيشاركنى حياتى ..فى فرح قلبى
ومعاه هتبقى ذكرياتى
اللى دايما هيواسينى ..فى فرحى حزنى
هيشاركنى ويدواينى
اللى هبنى بيتى بايدى على ايده ...
اللى دايما هيلاقيينى جنبه...
عمرى ابدا ما فى يوم هسيبه
اللى بيه هتحلى دنيتى ...
اللى فى كل حته وكل مكان
تلاقيه محطواه محبتى
اللى معاه وليه ..هبنى كل اسرتى...
اسرة مترابطة... متكاملة
اسرة متحابة... متفاهمه
اسرة نهجها النبى...
البنت والولد والصبى
اسرة مؤمنة بربها ...
وفى حياتها كلها ...
ماشية على نهج نبيها
وكلنا هنمر بنفس المرحلة ...
مهما بعدت المسافة .. فهى حقيقى قصيرة !!!
بس ليه ؟؟؟؟؟
مصريين نرخص نفسنا ...
بندور على حد يذلنا ... ده ربنا خلقنا كلنا ...
نصيبنا عنده مكتوبلنا
وشريك حياتنا... هيجيلنا لحد عندنا
هيجيلنا طالب قربنا ...
ولينا الحق فى رفضنا ...ولينا الحق يكون لنا
ومن النهاردة ... هنرفع شعار من قلبنا
مهما حد سبل لنا...
مهما عاكس وصورلنا ...
الحياة بمبى والجو ربيع
كل واحد مننا.. هيقوله طلبك مش عندنا
ومهما كانت الحياة بمبى والجو ربيع
بقولك ...
عفوااااا فانا لست متاحة للجميع