تجمعنا لقمة عيش

تجمعنا لقمه عيش ونتشارك في لبس الخيش
وقرصه في الودان بشويش تخوفنا ترجعنا
نخاف واحنا لينا حقوق واعيش عمري انا مخنوق
واحوالي كل يوم بتسوء من امتي الظلم بيوجعنا
وواخدين الحياه دي كفاح مفيش يوم كنت فيه مرتاح
بتالمني كلمه سباب؟ فلاح..حامى ألأرض بينفعنا
مبقاش الفرح ليه بيدوم ..وبفرح لما يعدي اليوم
وانام وغطايا فوقي هموم ..في عز الفرح دمعنا
وكل املنا فيها نعيش معايا في جيبي ولا مفيش
وبدور في الضلمه علي اللقمه وبرده اللقمه متتكفيش
واشوف المثل ادامي انكسر ويبقى قصادي ملوش معني
مبادئنا واكلها الدود و بسافر وعدي حدود
وانا لسه يا وطن موجود المصري ابو العيون السود
باني الحضاره والبني مشهود هخلى الدنيا تسمعنا