مش هأكتب فرانكو تانى ...هأكتب عربى وبس

دشن مجموعة من النشطاء على موقع التواصل الاجتماعى " الفيس بوك " صفحة جديدة بعنوان
" مش هأكتب فرانكو تانى ...هأكتب عربى وبس "
وذلك للتصدى لإنتشار الكتابة باللغة الفرانكو عربى على أجهزة الحاسوب . وطالب أعضاء الصفحة بضرورة الإلتزام بالكتابة إما بالعربية أو بأى لغة أجنبية أخرى وعدم الخلط بينهم واعتبروا الكتابة بالفرانكو بمثابة طمس للهوية العربية خصوصا مع وجود مبررات غير منطقية لمستخدمى الفرانكو منها التعود على الكتابة باللغة الإنجليزية على لوحة المفاتيح .
من جانب أخر . أكد أدمن الصفحة أننا يجب علينا أن نفتخر بلغتنا العربيه لغة القرأن الكريم ولغة أهلنا اللى بنتكلم بيها . لما تتكلم عربى مش هتقل بالعكس مكانتك هتزيد وسط العالم لكن لما تتكلم فرانكو يبقى بتخسر هويتك وده اللى الغرب عايزينه بالظبط ولكل مقام مقال .
ومن أبرز تعليقات الأعضاء " المشكله إن لما الأجانب بيشوفونا بنكتب كده بيضحكوا علينا لأنها حاجه مش مفهمومه ولأن ده بيدل على الجهل والإستهتار بلغته وهويتك ودينك" و
" إزاى بتدعو لدينك وإنت حتى مش قادر تحترم اللغه اللى نزل بها كتاب الله واللى تكلم بيها ربنا مع رسوله ". وأخيرا "ولو فاكر نفسك روش وكول واللغه البلدى دى مش لايقه معاك يبقى إعرف إنك دلوقتى إتخليت عن لغتك وإستعريت منها و شويه شويه هتتخلى عن دينك وتستعر منه".